कञ्चनपुर कृष्णपुर नगरपालिकाको एघारौं नगर सभा शुक्रबार सम्पन्न भएको छ । नगर प्रमुख एवम नगर सभाका अध्यक्ष श्री हेमराज ओझाकाे अध्यक्षतामा सम्पन्न भएको नगर सभाको शुभारम्भ सभाध्यक्षबाट पानसमा दिप प्रज्वलित गरेर भएको थियो । राष्ट्रिय गान गाएर सम्मान प्रकट गरिएको शुभारम्भ समारोहमा ज्ञात अज्ञात सहिदको सम्मानमा एक मिनेट मौन धारण गरिएको थियो । उपप्रमुख द्राेपती रानाबाट स्वागत मन्तव्य राख्ने क्रममा नगरपालिकाले शुक्रबार आर्थिक वर्ष २०७९/०८० का लागि नगरपालिकाले १ अर्ब ६ करोड ९४ लाख १० हजारकाे बजेट नगरसभामा प्रस्तुत गरेको छ ।
कृष्णपुर नगरपालिकाको लक्ष्य विकास सम्बन्धि महत्वपूर्ण कार्यक्रमहरूको चर्चा भएको थियो । स्वागत मन्तव्य पछि सभाध्यक्षको सम्बोधन रहेको थियो ।
सभाध्यक्षको सम्बोधन पछि विषयगत प्रगति प्रतिवेदन प्रस्तुत गर्ने कार्यसूची बमोजिम नगर प्रमुख श्री हेमराज ओझाले आफ्नो क्षेत्रगत प्रगति प्रतिवेदन प्रस्तुत भएको थियो ।
सभामा विभिन्न सदस्यहरूले राखेका जिज्ञासा सम्बन्धित समितिका संयोजक एवम सभाध्यक्षबाट सम्बोधन भएको थियो । पत्रकारहरूको बाक्लो उपस्थिति रहेको सभाको कार्यसूची अनुरूप प्रमुख प्रशासकीय अधिकृत शिव सिंह भण्डारीबाट आवश्यक सहजिकरण भएको सभामा शिक्षा, स्वास्थ्य,कृषि, पर्यटन र उद्योग वातावरण निर्माण गर्ने लगायतका विभिन्न प्रस्तावहरू पारित भएका थिए । सभाध्यक्षबाट धन्यवाद मन्तव्य सहित सभा विसर्जन भएको थियो ।
