काठमाडौं – साउन २८ गएराति देशैभर वर्षा भएको छ। कोशी प्रदेशका झापा र उदयपुरसहित केही स्थानमा ठूलो वर्षा भएको मौसम पूर्वानुमान महाशाखाले जनाएको छ। ठूलो वर्षा भएकाले आसपासका नदी–खोलामा जलसतह बढेको छ र नदी तटीय बासिन्दालाई सतर्कता अपनाउन आग्रह गरिएको छ।
बाँके, डोटी, इलाम, सङ्खुवासभा, ताप्लेजुङ, पाँचथर, नुवाकोट, दाङ, रुकुमपश्चिम, सुर्खेत र बझाङमा पनि मध्यम वर्षा भएको छ।
आज दिनभर मनसुन सक्रिय रहने पूर्वानुमान छ। सातै प्रदेशका विभिन्न स्थानमा भारी वर्षाको सम्भावना छ भने केही ठाउँमा धेरै भारी वर्षा पनि हुन सक्ने महाशाखाले जनाएको छ। विशेषगरी गण्डकी, कर्णाली, लुम्बिनी र सुदूरपश्चिमका पहाडी तथा तराई भूभागमा राति सम्म मध्यमदेखि भारी वर्षा हुने सम्भावना छ।
महाशाखाका अनुसार मनसुनको न्यून चापीय रेखा नेपालको तराई आसपासमा रहेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
