फागुन ३०
राष्ट्रिय स्वतन्त्र पार्टी (रास्वपा)को आज शनिबार बस्ने भनिएको सचिवालय बैठक आइतबार (चैत १) बस्ने भएको छ । पार्टी प्रवक्ता मनिष झाका अनुसार बैठकमा प्रतिनिधिसभा सदस्य निर्वाचनअन्तर्गत समानुपातिकतर्फका उम्मेदवार सिफारिस गर्ने विषयमा मुख्य रूपमा छलफल हुनेछ ।
सभापति रवि लामिछानेको अस्वस्थताका कारण यसअघि आज बस्ने भनिएको सचिवालय बैठक भोलि बिहानका लागि सारिएको जनाइएको छ ।
यसैबीच नेपाली कांग्रेस केन्द्रीय कार्यसम्पादन समितिको बैठक २०८२ चैत्र १ गते आइतबार दिउँसो १ः०० बजे केन्द्रीय कार्यालय, बीपी स्मृति भवन ललितपुरमा बस्ने जानकारी दिइएको छ ।
बैठकमा समानुपातिक बन्दसूचीमा रहेका उम्मेदवारहरूमध्ये दलले प्राप्त गरेको सिट संख्याको आधारमा प्रतिनिधि सभा सदस्य छनौट गरी निर्वाचन आयोगमा पठाउने एजेण्डामा छलफल हुने पार्टीका का.वा. मूख्यसचिव कृष्णप्रसाद दुलालले जानकारी दिएका छन् ।
