३ मंसिर
जिल्ला प्रशासन कार्यालय बाराले सिमरा विमानस्थल आसपास क्षेत्रमा कर्फ्यु आदेश जारी गरेको छ । जेनजी युवाहरू र एमाले समर्थक युवाहरूबीच झडप भएपछि बुधबार (३ मंसिर) दिउँसो प्रमुख जिल्ला अधिकारी धर्मेन्द्र कुमार मिश्रले कर्फ्यु आदेश जारी गरेका हुन् ।
दुई समूहबीच झडप जारी रहेपपछि गण्डक नहरदेखि पथलैया सडक खण्ड राजमार्गको दायाँ-बायाँ ५०० मिटरसम्म र सिमरा विमानस्थलको वरिपरि ५०० मिटरसम्म दिउँसो साढे १२ बजेदेखि बेलुका ८ बजेसम्म लागि कर्फ्यु आदेश जारी गरिएको हो ।
बिहानैदेखिको झडप जारी रहेपछि कर्फ्यूका बीच अहिले सिमरा जाने र सिमराबाट काठमाडौं उड्ने जहाजहरू रोकिएका छन् ।
ज्ञातव्य छ, एमाले महासचिव शंकर पोखरेल र नेता महेश बस्नेत बाराको परवानीपुरमा हुने भनिएको कार्यक्रममा सहभागी हुन सिमरा विमानस्थल हुँदै जान लागेको सूचना पाएपछि जेनजी युवाहरूले प्रदर्शन गरेका हुन् ।
