शुक्लाफाँटा/जेठ १५ नेकपा (माओवादी केन्द्र) शुक्लाफाटा नगरकमीटीले बजार क्षेत्रमा १५औं गणतन्त्र दिवस मनाएको छ । आइतबार साँझ झलारी बजारमा दिप प्रज्वलन तथा शुभकामना आदानप्रदान गर्दै सार्वजनिक स्थलमा माओवादी केन्द्र शुक्लाफाँटा नगरपालिका नेता तथा कार्यकर्ताको उपस्थितिमा गणतन्त्र दिवस मनाइएको छ । नेकपा माओवादी केन्द्रका नगर कमिटी ईन्चार्ज Ishwar सुनारले गणतन्त्र दिवस कार्यक्रमलाई सम्बोधन गर्दै अहिलेका महत्वपूर्ण उपलब्धीहरू नेकपा-माओवादी केन्द्रले संचालन गरेको महान १० वर्ष जनयुद्ध र ऐतिहासिक जनआन्दोलनको उपलब्धि भएको बताउनुभयो । झलारी बजारको यात्रु प्रतिक्षालय नजिकै आतिसबाजी तथा दीपावलीका संगै गणतन्त्र दिवस मनाइएको छ । गणतन्त्र दिवस कार्यक्रममा नेकपा एकीकृत समाजवादी पार्टीका नेता तथा कार्यकर्ताको समेत सहभागिता रहेको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
