भदौ १५ धनगढी
बेइजिङ-नेपालका प्रधानमन्त्री केपी शर्मा ओली ले चीनको तियानजिनमा राष्ट्रपति सी जिनपिङसँग भेटवार्ता गर्नुभएको छ। भेटवार्तामा दुई देशबीचको सहयोग र आपसी सम्बन्धका विभिन्न पक्षहरूमा छलफल भएको छ।
प्रधानमन्त्री ओलीले नेपालमा चीनको विकास सहयोगको कदर गर्दै शान्तिपूर्ण सहअस्तित्वमा आधारित सम्बन्ध मजबुत रहेको बताउनुभयो। साथै, २०२५ मा हुने एससीओ शिखर सम्मेलनमा नेपालको सक्रिय सहभागिताको लागि समर्थनको अपिल गर्नुभयो।
उहाँले बीआरआई परियोजना, मल, पेट्रोलियम अन्वेषण, मानव संसाधन विकास, जलवायु लचिलोपन र जनता–जनता सम्बन्धमा सहयोगको लागि अनुरोध गर्नुभयो। लिपुलेक सीमा व्यापारसम्बन्धी विषयमा नेपालले कडा आपत्ति जनाएको पनि उल्लेख भएको छ।
राष्ट्रपति सी जिनपिङले नेपालको समृद्धि र जनताको भलाइका लागि चीनको तत्परता व्यक्त गर्नुभयो र बहुपक्षीय मञ्चहरूमा सहकार्य दोहोर्याउनुभयो।
प्रधानमन्त्री ओली एससीओ शिखर सम्मेलनमा अन्य विश्व नेतासँग भेटघाट गर्ने र स्वागत भोज तथा गाला कार्यक्रममा सहभागी हुने कार्यक्रममा हुनुहुन्छ।
