असोज ४
झापाको मेचीनगर नगरपालिका-१ देवीगञ्जमा एउटा जङ्गली हात्ती मृत फेला परेको छ । आज (४ असोज) बिहान स्थानीयले धान खेतमा हात्ती मृतावस्थामा भेटाएका हुन् ।
मृत हात्ती वयस्क पोथी भएको र पोस्टमार्टमको तयारी भइरहेको डिभिजन वन कार्यालय झापाका प्रमुख भरतबाबु श्रेष्ठले जानकारी दिए। घटनास्थलमा वन कार्यालयको टोली पुगिसकेको छ ।
वन्यजन्तु संरक्षण अभियन्ता शंकर लुइँटेलले मृत हात्ती २२ वर्ष जति उमेरको भएको बताए । हिजो बेलुका सो क्षेत्रमा भारतबाट १२ वटा हात्ती प्रवेश गरेको सूचना प्राप्त भएकोमा बिहान एउटा हात्ती मरेको खबर आएको उनको भनाइ छ ।
के कारणले हात्ती मऱ्यो भन्ने थाहा नभएकाले पोस्टमार्टमपछि मृत्युको कारण खुल्ने बताइएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
