रिलिशा राजवंशी, कार्तिक ३०
नेपालगञ्ज, बाँके — बाँके जिल्लाको नेपालगञ्ज उपमहानगरपालिका–रामनगरमा बस्ने ६ वर्षका अभिनव चौधरी अहिले धेरैको प्रेरणा बनेका छन्। बुवा अर्जुन चौधरी र आमा आरती चौधरीका सुपुत्र, कक्षा ४ का विद्यार्थी अभिनवले “Green Environment, Better Life” नामक वातावरणमैत्री प्रोजेक्ट तयार गरेर सबैलाई चकित पारेका छन्।
अभिनव आफ्नो खाली समय सदुपयोग गर्दै घरको आँगन, कोठा र आसपासमा विभिन्न बिरुवा रोप्छन्। उनी भन्छन्,
बिरुवा लगाउँदा अक्सिजनको कमी हुँदैन। बिरुवाले पशु–पन्छीलाई घर र आहार दिन्छ। बिरुवाबाट औषधि पनि बनाउन सकिन्छ। बिरुवा नभए हाम्रो जीवन कष्टकर हुन्छ।
उनको घरभित्र र बाहिर दर्जनौं किसिमका बिरुवा छन्, जसमा Rubber Plant जस्ता पात भएका बिरुवा र साना औषधीय बिरुवा सम्म छन्। सुत्ने कोठामा समेत हरियाली राख्ने बानीले मानिसलाई प्रकृतिसँग नजिक हुने पाठ सिकाउँछ।
स्थानीय शिक्षक, छिमेकी र अभिभावकहरूले अभिनवको वातावरणप्रेमी सोचको प्रशंसा गरेका छन्। उनका लागि सबैको सन्देश सरल छ:
सबैले आफ्नो खाली समय सदुपयोग गरेर धेरै बिरुवा रोपौँ। स्वस्थ र दीर्घायु जीवन हामी आफैं बनाउन सक्छौँ।
बाल्य उमेरमै यस्तो जागरणले समाजमा सकारात्मक सन्देश फैलाएको छ। भविष्यमा उनी वातावरण संरक्षणका क्षेत्रमा उदाउँदो युवा लिडर बन्ने विश्वास देखिन्छ।
हरियाली केवल प्रकृति मात्र होइन, उज्यालो भविष्यको बीउ हो, र त्यो बीउ अभिनवले आफ्नै साना हातले रोप्दैछन्।
