मंसिर १३
नेकपा एमालेको ११ औँ महाधिवेशनका लागि दाङबाट सर्वसम्मत रूपमा २३ जना प्रतिनिधि चयन गरिएको छ । विभिन्न चरणमा आकांक्षीहरुसँग छलफल र परामर्श गरेर सूची टुङ्ग्याइएको जिल्ला सचिव सूर्यबहादुर डाँगीले जानकारी दिए ।
उनका अनुसार खुल्लातर्फ १० जना, महिलातर्फ ७ जना, युवातर्फ ३ जना र दलिततर्फ ३ जना गरी कुल २३ जना प्रतिनिधि सर्वसम्मत चयन भएका हुन् ।
खुल्लातर्फ शिवकुमार आचार्य, सुदन केसी, भुवन चौधरी, भागसिं बुढा, हुकुमबहादुर बस्नेत, भुवनेश्वर पौडेल, सूर्यबहादुर डाँगी (श्याम), मनोहर बुढाथोकी, राममणि पाण्डे र कुलबहादुर केसी चयन भएका छन् ।
महिलातर्फ रेखा केसी देवकोटा, तुलसा देवी पोखरेल, रत्ना तिवारी खत्री, सीता चौधरी, लक्ष्मी शर्मा, सीता चौधरी र पुष्पा लामिछाने भण्डारीले प्रतिनिधित्व गर्ने भएका छन् ।
युवातर्फ अशोक योगी (विवेक), घनश्याम चौधरी र देवबहादुर (देबु) बस्नेत चयन भएका छन्।
दलित समूहबाट मानबहादुर बिक, निर्मला बिक र टंकबहादुर बिक सर्वसम्मत रूपमा प्रतिनिधि बनेका छन् । दाङमा सहमतिको आधारमा गरिएको प्रतिनिधि छनोटमा सबै समूह, क्षेत्र र वर्गको समावेशी सहभागिता सुनिश्चित गरिएको एमाले नेतृत्वले जनाएको छ ।
