राहत उपल्ब्ध गराउनका लागि सम्वन्धित निकायको ध्यानाकर्षण कञ्चनपुर : बेलडाँडीका लगातार दुईतीन देखि जंगली हात्तीले आतंक मचाएको छ । अस्ती राती र हिजो राती मात्र जंगली हात्तीले बालीनाली नोक्सान पुर्याउनुका साथै घर समेत भत्काइदिएका छन् ।
बेलडाँडी गाउँपालिका वडा नं.२ को निकुञ्ज किनार बस्तीमा हात्तीले बालीनाली नोक्सान गर्नुका साथै जयराम ओडको घर हात्तीले भत्काइदिएका छन् ।
क्याम्पु क्षेत्रका अधिकांस किसानको लगाएको धान खेती, ऊखुखेतीमा निकै क्षति पुर्याएको छ भने ओडको घरमा घर भत्काउनुका साथै भण्डारण गरेर राखेको अन्न पानी खाइदिए पछि खवर पाउना साथ आज बिहान नेकपा माओवादी बेलडाँडी गाउँकमिटी अध्यक्ष डम्मवर शाहको आग्रहमा नेकपा माओवादीका नेता इश्वरी भट्ट लगायतको टोलीले अनुगमनका साथै सम्वन्धित पक्षको ध्यानार्कषण गराएका छन् ।
उनीहरुले पिडित पक्षलाई भेट्दै समस्या समाधनका लागि संम्वन्धित पक्षलाई खवर गर्ने र समस्या समाधनका लागि प्रयास गर्ने जनाएका छन् । आज उनले एक विज्ञप्ती जारी गर्दै पिडितलाई उचित राहतको व्यावस्थापन गरिदिन सम्वन्धित पक्षको ध्यानार्कषण गराएका हुन । कसै कसै किसानको त पुरै धानबाली नोक्सन गरिदिएको छ उनीहरुलाइृ उचित व्यवस्थापन गरिदिन माग गरेका छन् ।
