बिडिसिए कप जिल्लास्तरीय एकदिवसीय क्रिकेट प्रतियोगिता अन्तरगत समूह सि काे दाेस्राे खेलमा आजमा महारूद्र युवा क्लब विजयी

बिडिसिए कप जिल्लास्तरीय एकदिवसीय क्रिकेट प्रतियोगिता अन्तरगत समूह सि काे दाेस्राे खेलमा आजमा महारूद्र युवा क्लब विजयी भएकाे छ । महारूद्रले पहिलाे जित दर्ता गर्ने क्रममा ग्वाल्लेक क्रिकेट क्लबलाई ४ विकेटले हरायो । याे हार संगै ग्वाल्लेक प्रतियोगिताबाट बाहिरिएको छ। महारूद्रकाे भने सेमिफाइनलकाे सम्भावना कायमै छ ।

ग्वाल्लेकले दिएको ११२ रनकाे झिनाे लक्ष्य महारूद्रले १६.४ ओभरमा ६ विकेटको क्षतिमा भेट्टायाे । जसमा शाैरभ चन्दले अविजित ३६ र सुरज सिंह भाटले ३६ रनकाे याेगदान गरे । ग्वाल्लेकका हेमराज जाेशीले ३ र तर्कराज जाेशीले २ विकेट लिए । त्यसअघि दशरथचन्द क्रिकेट मैदान, सुन्दरखालीमा टस जितेर ब्याटिङ गरेकाे ग्वाल्लेक २६.४ ओभरमा १११ रनमा समेटियाे । उसका यज्ञराज जाेशीले २३ र पञ्कज जाेशीले २२ रन बनाए। महारूद्रका मनाेज ऐरी एक्लैले ६ विकेट हात पारे । मनाेज खेलका म्यान अफ द म्याच पनि चुनिएका स्काेरर गजेन्द्र चन्दले जानकारी दिनुभयाे । यसअघि समूह ए बाट एनआरवाइसी बठ्ठा र समूह बी बाट निङलाशैनी क्रिकेट क्लब सेमिफाइनल पुगिसकेको छ । बैतडी जिल्ला क्रिकेट संघकाे आयोजनामा मंसिर १६ गतेदेखि शुरू भएको प्रतियोगितामा १३ टाेलीकाे सहभागीता रहेकाे छ । प्रतियोगितामा सहभागी हुने १३ टाेलीलाई चार समूहमा विभाजन गरि खेलहरू भइरहेका बैतडी जिल्ला क्रिकेट संघका अध्यक्ष विनाेद बहादुर चन्दले जानकारी दिनुभयो । यस प्रतियोगितालाई प्रधानमन्त्री कप एकदिवसीय छनाैटका रूपमा समेत लिइएको छ । यो बर्ष बिडिसिए कप वान डे फम्र्याटमा भइरहेको बैतडी जिल्ला क्रिकेट संघले जनाएको छ । विगत बर्षहरुमा टी–२० फम्र्याटमा सञ्चालन हुँदै आएको प्रतियोगिता यो बर्ष ५० ओभरमा भइरहेकाे बैतडी जिल्ला क्रिकेट संघका सचिव सिद्धराज बाेकटीले बताउनुभयाे । प्रतियोगिताको विजेताले ५० हजार नगद पुरस्कारसहित ट्रफी, मेडल र प्रमाणपत्र र उपविजेताले ३५ हजार नगदसहित ट्रफी, मेडल र प्रमाणपत्र पाउने बैतडी जिल्ला क्रिकेट संघले जनाएको छ । प्रतियाेगिताले क्रिकेटकाे विकासका साथै खेलाडी उत्पादनमा सहयाेग पुग्ने विश्वास गरिएको छ। यसअघि १९ औं संस्करणको उपाधि पञ्चकाेटी क्रिकेट क्लबलाई १२९ रनले स्तब्ध पार्दै निङलाशैनी क्रिकेट क्लबले हात पारेकाे थियो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply