प्रधानमन्त्री कप महिला टि २० राष्ट्रिय क्रिकेट प्रतियोगिता खेल्ने सुदूरपश्चिमकाे टाेली प्रस्थान भएकाे छ। उक्त टाेली प्रस्थानअघि एक कार्यक्रमकाबीच बिदाई गरिएको छ। बिदाई समाराेहमा नेपाल क्रिकेट संघका केन्द्रीय सदस्य धिरेन्द्र सावद,सुदूरपश्चिम प्रादेशिक क्रिकेट संघका काेषाध्यक्ष दिनेश सिंह,कञ्चनपुर जिल्ला क्रिकेट संघका सल्लाहकार तथा हाेलि फेमली स्कुलका अध्यक्ष भुपाल विष्टलगायतकाे उपस्थित रहेकाे थियाे। बिदाई समाराेहमा सहभागीहरूले टाेलीलाई उत्कृष्ट खेल प्रदर्शनकाे शुभकामना दिनुभयाे । टाेलीले प्रतियोगितामा उत्कृष्ट प्रदर्शन गर्दै च्याम्पियन गर्ने लक्ष्यका साथ खेल्ने कप्तान रितु कनाैजियाले बताउनुभयो । यसैबीच सहदेव चन्द र दिनेश मल्लले खेलाडीहरूलाई ट्याकसुट प्रायाेजन गर्नुभएको धन्यवाद ज्ञापन समेत गरिएको छ । सुदूरपश्चिम प्रदेशकाे टाेलीमा कप्तान रितुसंगै उपकप्तानमा बिन्दु रावल,जानकी थापा,रूबि पाेद्दार,लक्ष्मी साउँद,मनिषा चाैधरी,ईश्वरी विष्ट,रेवती धामी,राधिका पुजारा,सावित्री धामी,कविता जाेशी,सम्झना खड्का,शाेभा राेकाया र अनु कडायत रहेका छन् ।
सुदूरपश्चिमकाे टाेलीले पहिलाे खेल एपीएफ क्लबसंग पुस ५ गते काठमाडौंकाे मुलपानी अन्तर्राष्ट्रिय क्रिकेट मैदानमा खेल्नेछ । प्रधानमन्त्री कप महिला टि २० राष्ट्रिय क्रिकेट प्रतियोगितामा सात प्रदेश र एक विभागीय क्लब एपीएफकाे सहभागीता रहने नेपाल क्रिकेट संघ क्यानका अध्यक्ष चतुरबहादुर चन्दले जानकारी दिनुभयो ।
