हेमा भट्ट १३ वैशाख २०८२
सुदूरपश्चिम प्रदेश प्रमुख नजिर मियाँले कैलाली र कञ्चनपुरमा बसोबास गर्दै आएका रानाथारु समुदायको विशिष्ट भाषा, संस्कृति र पहिचानलाई अन्तर्राष्ट्रिय स्तरमा परिचित गराउनुपर्ने आवश्यकतामा जोड दिएका छन्।
शनिबार धनगढीमा आयोजित दोस्रो अन्तर्राष्ट्रिय रानाथारु भाषा साहित्य सम्मेलन २०२५ को उद्घाटन सत्रमा सम्बोधन गर्दै उनले सुदूरपश्चिम प्रदेशलाई विविध सांस्कृतिक धरोहरले सम्पन्न क्षेत्रका रूपमा चित्रण गरे।
उनले भने:
“सुदूरपश्चिम प्रदेशको कला, संस्कृति र पहिचान आफैंमा अद्भुत छ। यहाँ प्रत्येक समुदायको आ–आफ्नो अलग पहिचान छ। रानाथारु समुदायको सांस्कृतिक सम्पदा पौराणिक दृष्टिले समेत अत्यन्त मूल्यवान छ, जसलाई विश्वभर चिनाउनु अत्यन्तै आवश्यक छ।”
उद्घाटन सत्रमा विशिष्ट सहभागिता
सम्मेलनको उद्घाटन सत्रमा प्रदेश प्रमुख मियाँसँगै
संविधानसभा सदस्य कृपाराम राना,
प्राज्ञ दिल्ली आचार्य,
इतिहासविद् डा. निर्मलमणि अधिकारी,
साहित्यकार राजन मुकारुङ र
अनुसन्धानकर्ता डा. कृष्ण सरबाहरी
उपस्थित थिए।
त्यस्तै, भारतबाट आएका
भाषा विज्ञ डा. प्रेमसिंह राना र
साहित्यकार ओमप्रकाश राना
सहित विभिन्न रानाथारु भाषा, साहित्य र संस्कृति क्षेत्रका विज्ञहरूको सक्रिय सहभागिता सम्मेलनमा देखिएको छ।
सम्मेलनको उद्देश्य र कार्यक्रमहरू
रानाथारु समुदायको मौलिक भाषा, साहित्य र संस्कृतिको संरक्षण तथा प्रवर्द्धन गर्न आयोजना गरिएको सम्मेलन दुई दिनसम्म चल्नेछ।
सम्मेलन संयोजक पदम रानाका अनुसार,
“रानाथारु भाषा र साहित्यलाई अन्तर्राष्ट्रिय मञ्चमा स्थापित गर्ने ठूलो उद्देश्यले यो सम्मेलन आयोजना गरिएको हो।”
कार्यक्रम अन्तर्गत:
अनुसन्धान पत्रहरू प्रस्तुत,
कविता र कथा वाचन कार्यक्रम,
सांस्कृतिक झाँकी र परम्परागत नृत्य प्रस्तुति,
रानाथारु भाषामा प्रकाशित पुस्तकहरूको प्रदर्शनी
जस्ता विविध कार्यक्रमहरू संचालन भइरहेको छन्।
सहयोग र आयोजनाको भव्यता
स्थानीय सरकार, रानाथारु समाजका अगुवाहरू तथा विभिन्न सामाजिक संघसंस्थाहरूको सक्रिय सहयोगमा सम्पन्न भएको यस सम्मेलनलाई भव्य र सभ्य वातावरणमा सम्पन्न गरिएको छ।
सांस्कृतिक गर्व र सामूहिक पहिचानका विषयमा सान्दर्भिक र सशक्त बहस–छलफल गरिएको कार्यक्रमले रानाथारु समुदायको अन्तर्राष्ट्रिय उचाइ निर्माणमा महत्वपूर्ण टेवा पुर्याउने अपेक्षा गरिएको छ।
