रैकवार खबर दैनिक, असार ३० — धनगढी
धनगढी उपमहानगरपालिका–४, सहिद गेटस्थित डायमण्ड स्केट पार्क हालै सञ्चालनमा आएको छ। शहरको केन्द्रमै निर्माण गरिएको यो पार्क अहिले युवाहरूको मुख्य आकर्षण बनेको छ। भरपर्दो र गुणस्तरीय स्केटिङ सुविधा उपलब्ध गराउने यस पार्कमा दैनिक सयौं युवाहरू रमाइरहेका छन्।
स्थानीय सरस्वती सुनार भन्छिन्, “शहरको सेन्टरमा पर्ने यो पार्क भरपर्दो र गुणस्तरयुक्त छ। खेल्न र रमाउनका लागि एकदमै राम्रो ठाउँ बनेको छ।”
पार्क सञ्चालक गोविन्द खत्रीका अनुसार सोही परिसरमा निर्माण सम्पन्न भएको ‘डायमण्ड जिम’ पनि यही असार ३२ गतेदेखि औपचारिक रूपमा सञ्चालनमा आउनेछ। अत्याधुनिक उपकरण, सफा वातावरण र सबै उमेर समूहका लागि उपयुक्त संरचनासहितको यो जिम स्वास्थ्यप्रेमीहरूका लागि उपयोगी बन्ने अपेक्षा गरिएको छ।
डायमण्ड स्केट पार्कका नियमहरू:
१. टिकट बिना प्रवेश निषेध गरिएको छ।
२. फुल सेफ्टी गियर अनिवार्य छ। स्केटिङ जुत्ता लगाउँदा मोजा लगाउनु पर्नेछ।
३. स्केटिङ जोखिमयुक्त खेल भएकाले सावधानी अपनाउनुहोला। दुर्घटना भएमा पार्क जिम्मेवार हुने छैन।
४. मादक पदार्थ सेवन गरिएकाले तथा गम्भीर स्वास्थ्य समस्या भएकाले स्केटिङ गर्न निषेध छ।
५. झै-झगडा गरेमा कानुनी कारबाही गरिनेछ।
६. १२ वर्ष मुनिका वा १५ मिटरभन्दा कम उचाइ भएका खेलाडीहरू अभिभावकसहित आउनुपर्नेछ।
७. स्केटिङ जुत्तामा स्केटिङ क्षेत्रबाहेक अन्यत्र जान पाइने छैन।
८. जथाभावी स्टन्ट गर्दा जुत्ता भाँचिएमा पूर्ण क्षतिपूर्ति तिर्नुपर्नेछ।
९. पहिलो पटक खेल्न आउनेहरूले ट्रेनर वा रेलिङको सहारा लिनुपर्नेछ।
१०. आफ्नो बहुमूल्य सामानको सुरक्षा आफैं गर्नुहोला। हराएमा पार्क जिम्मेवार हुने छैन।
११. आफ्ना चप्पल वा जुत्ताको सुरक्षा आफैं गर्नुहोला।
पार्क प्रशासनले सबै खेलाडी तथा आगन्तुकहरूलाई नियमहरूको पूर्ण पालना गर्न आग्रह गरेको छ।
