हेमा भट्ट, जेठ १५
बैतडी – दशरथ चन्द नगरपालिका वडा नं. ५ अन्तर्गत १२ टोलमा भव्य तथा सफल कार्यक्रम सम्पन्न गरिएको छ। स्थानीय समुदायको उल्लेखनीय सहभागिताले कार्यक्रमलाई अझ प्रभावकारी र अर्थपूर्ण बनाएको आयोजकले जनाएको छ।
कार्यक्रमको सभाध्यक्ष नन्दा भट्टले गर्नुभएको थियो भने प्रमुख अतिथिका रूपमा नगर उपप्रमुख कौशिला चन्दको विशेष उपस्थिति रहेको थियो।
कार्यक्रममा वडा अध्यक्ष केशव राज लेखकले टोलस्तरीय विकास, जनसहभागिता र आपसी एकताको महत्वमा जोड दिँदै साझा प्रयासमार्फत विकास निर्माणका कामलाई अघि बढाउन सबैलाई आग्रह गर्नुभयो। उहाँले “स्थानीय सरकार र जनताको सहकार्य बिना दिगो विकास सम्भव छैन” भन्दै टोलमा देखिएको सक्रियताको प्रशंसा गर्नुभयो।
प्रमुख अतिथि उपप्रमुख कौशिला चन्दले स्थानीय तहले जनताको आवश्यकता र अपेक्षालाई प्राथमिकतामा राखेर विकास कार्यक्रम अघि बढाइरहेको बताउँदै टोलस्तरबाट आउने पहलले नगरपालिका अझ सुदृढ हुने धारणा राख्नुभयो। उहाँले महिला, युवा र समुदायको सक्रिय सहभागिताले समग्र विकासलाई गति दिने उल्लेख गर्नुभयो।
कार्यक्रमले स्थानीय स्तरमा सामाजिक एकता, समन्वय र विकासप्रतिको प्रतिबद्धतालाई थप मजबुत बनाएको सहभागीहरूले बताएका छन्। आगामी दिनमा यस्ता कार्यक्रमहरूले टोल विकासलाई अझ व्यवस्थित र प्रभावकारी बनाउने अपेक्षा गरिएको छ।
