कैलालीको गोदावरी नगरपालिका– १ बिजौरामा आँखा शिविर सञ्चालन हुने भएको छ । यही साउन ३ गते वडास्थित भागेश्वर आधारभुत विद्यालयमा शिविर सञ्चालन हुने भएको हो ।
नेपाल नेत्र ज्योती संघ, गेटा आँखा अस्पतालसँगको प्राविधिक सहयोगमा बडेहा बिजौरा खानेपानी तथा सरसफाई उपभोक्ता समिति र भागेश्वर आधारभुत विद्यालयले संयुक्त रुपमा शिविरको आयोजना गर्न लागेका हुन ।
शिविरमा मोतिबिन्दु लगायतका आँखाको अप्रेशन गर्नुपर्ने अवस्था आएका विरामीहरुको निःशूल्क अप्रेशन गरिने बडेहा विजौरा खानेपानी तथा सरसफाई उपभोक्ता समितिका अध्यक्ष चेतराज पन्तले बताए ।
उनले खानेपानीका उपभोक्ताका साथै स्थानिय नागरिकहरुको सहजताका लागि पनि बिजौरामा शिविरको आयोजना गरिएको बताए । शिविरलाई सोही ठाउँमा रहेको मितेरी साइनो युवा क्लबले सहयोग गर्ने उनले बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1