विकास सिंह महता
कञ्चनपुर, भाद्र २ – गौरा पर्वको अवसरमा बेलडाँडीस्थित अल स्टार युवा क्लबको आयोजनामा आठौं संस्करणको खुला नकआउट फुटबल प्रतियोगिता २०८२ हुने भएको छ। प्रतियोगिता वडा नं १, कालिका मन्दिरको उत्तरपट्टिको फुटबल मैदानमा भाद्र ७ गते उद्घाटन गरिनेछ।
क्लबका अध्यक्ष लोक बहादुर बलायरका अनुसार, प्रतियोगितामा प्रथम स्थानधारीलाई ८२ हजार रुपैयाँ, ट्रफी, प्रमाणपत्र र मेडल, र दोस्रो स्थानधारीलाई ४५ हजार रुपैयाँ पुरस्कार प्रदान गरिनेछ। साथै, उत्कृष्ट खेलाडीहरुलाई समेत पुरस्कार वितरण गरिनेछ।
प्रतियोगितामा सहभागी हुन टिमले ६ हजार १ सय रुपैयाँ शुल्क तिर्नुपर्नेछ। दर्ता मिति भाद्र ५ गते दिउँसो ५ बजेसम्म तोकिएको छ। टिम दर्ता गर्दा ५० प्रतिशत शुल्क अग्रिम जम्मा गर्नुपर्ने क्लबले जानकारी दिएको छ।
खेल तालिका भाद्र ६ गते क्लबको फेसबुक पेजमार्फत सार्वजनिक गरिनेछ। प्रतियोगितामा खेलप्रेमी सबैलाई सहभागिताको लागि क्लबले आग्रह गरेको छ।
