कैलाली, भाद्र ३
सुदूरपश्चिम प्रदेशका मुख्यमन्त्री कमल बहादुर शाह र हालै सरुवा भएका नेपाली सेनाका सुदूरपश्चिम पृतनापति प्रकाश देउजाबीच मंगलबार विशेष भेटघाट भएको छ।
मुख्यमन्त्री तथा मन्त्रिपरिषद्को कार्यालयमा भएको भेटमा मुख्यमन्त्री शाहले पृतनापति देउजालाई मायाको चिनोसहित बिदाइ गर्दै बडिमालिका मन्दिर निर्माणमा सेनाले पुर्याएको भूमिकाको प्रशंसा गरे।
मुख्यमन्त्री शाहले भने, “बडिमालिका सुदूरपश्चिमको धार्मिक आस्था मात्र नभई पर्यटकीय दृष्टिकोणले पनि भूस्वर्ग सरहको सम्भावना बोकेको क्षेत्र हो। सेनाको सक्रियतामा मन्दिर निर्माण सम्पन्न हुनु प्रदेशकै गौरवको विषय बनेको छ।”
उनले प्रदेश सरकारले मन्दिर वरपर थप संरचना निर्माण गर्न प्राविधिक टोली खटाउने जानकारी दिँदै आगामी दिनमा पनि सेनाको निरन्तर सहयोग रहने विश्वास व्यक्त गरे।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
