कात्तिक ३०
कैलाली — मानवअधिकार, शिक्षा तथा सामाजिक क्षेत्रमा दुई दशकदेखि सक्रिय अभियन्ता राजेन्द्र रैका शारदा माध्यमिक विद्यालयको पूर्व विद्यार्थी तदर्थ समितिको सचिवमा सर्वसम्मत रूपमा चयन भएका छन्। विद्यालयले आयोजना गरेको “पूर्व विद्यार्थी सम्मेलन–२०८२” ले रैकालाई सचिवको जिम्मेवारी प्रदान गरेको हो।
मानवअधिकार, दलितअधिकार, सामाजिक न्याय, रुपान्तरण तथा युवा सशक्तीकरणका विविध अभियानमा लामो समयदेखि संलग्न रैका विद्यार्थी तथा समुदायबीच अत्यन्तै लोकप्रिय मानिन्छन्। सचिवमा चयन भएको अवसरमा उनले पूर्व विद्यार्थी तथा विद्यालय परिवारले देखाएको विश्वासप्रति कृतज्ञता व्यक्त गर्दै विद्यालयको शैक्षिक विकासका लागि निरन्तर क्रियाशील रहने प्रतिबद्धता व्यक्त गरे।
रैका सामाजिक तथा मानवअधिकार क्षेत्रको योगदानका आधारमा २०७८ सालमा “युवा प्रतिभा राष्ट्रिय सम्मान”बाट समेत सम्मानित भइसकेका छन्। हाल उनी सामाजिक विकास जागरण मञ्च नेपालका केन्द्रीय अध्यक्ष, मानवअधिकार संरक्षण मञ्च नेपालका सुदूरपश्चिम प्रदेश सचिव, कैलाली जनपुस्तकालयका कोषाध्यक्ष, दलित अधिकारका लागि राष्ट्रिय सञ्जालका महासचिव, एम्नेस्टी इन्टरनेशनल नेपालका को–सेक्रेटरी तथा दलित गैरसरकारी संस्था महासंघका प्रदेश सह–सचिवको जिम्मेवारी सम्हाल्दै आएका छन्।
समुदाय, मानवअधिकार तथा शिक्षा क्षेत्रको प्रवर्द्धनमा सक्रिय रैका सचिवको भूमिकामार्फत विद्यालय तथा पूर्व विद्यार्थी समाज अझ प्रभावकारी बन्ने अपेक्षा गरिएको छ।
