मंसिर ३
कैलाली — सुदूरपश्चिम प्रदेश प्रमुख नजिर मियाँले निर्वाचन आयोगलाई पूर्ण रूपमा जिम्मेवार संस्थाका रूपमा उल्लेख गर्दै आगामी निर्वाचनका लागि सरकार जनशक्ति र सुरक्षा व्यवस्थामा गम्भीर हुनुपर्ने बताएका छन्।
आर्थिक वर्ष २०८०/८१ को वार्षिक प्रतिवेदन बुझ्दै उनले आयोगले सुरुदेखि इमानदार र प्रभावकारी रूपमा आफ्नो भूमिका निर्वाह गर्दै आएको बताए।
यसैबीच, प्रदेश निर्वाचन कार्यालयका प्रमुख प्रेम भट्टले सरकारले फागुन २१ मा तोकेको निर्वाचनका तयारी तीव्र रूपमा चलिरहेको जानकारी दिए। समावेशी, मितव्ययी र भरपर्दो निर्वाचन गराउन टोली प्रतिबद्ध रहेको उनले उल्लेख गरे।
प्रतिवेदन बुझाउनु अघि आयोगले गत वर्षका कार्य–उपलब्धिबारे प्रदेश प्रमुखलाई जानकारी गराएको थियो।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
