धनगढीमा आज नेकपाको एकता सन्देश सभा

मंसिर १२
नेपाली कम्युनिष्ट पार्टीको आज (शुक्रबार) धनगढीमा पार्टी एकता सन्देश सभा हुँदैछ ।

सो पार्टीको आज सुदूरपश्चिम प्रदेशस्तरीय एकता सन्देश सभा हुन लागेको हो ।

धनगढीको क्याम्पस रोड चोक तथा चौराहाबाट आज बिहान ११: ३० बजे भेला भएर जुलुससहित पार्क मोडमा एकत्रित भइ रंगशालाको दक्षिण–पश्चिमको चौरमा १२ः३० बजे सन्देश सभा गर्ने कार्यक्रम रहेको नेपाली कम्युनिष्ट पार्टीका नेता डा.भीम रावलले बताए ।

गाउँ र शहर सबै ठाउँमा पार्टी तथा जनवर्गीय संगठनका नेता कार्यकर्ताले सन्देश सभाको बारेमा सन्देश पुर्‍याएको बताउँदै सभाका हजारौं जनताको सहभागिता रहने उनले दाबी गरे ।

रावलले जुलुस तथा सभाको शान्ति सुरक्षाका लागि स्थानीय प्रशासनसँग गहन छलफल भएको बताउँदै जुलुस तथा सन्देश सभा अत्यन्तै शान्तपूर्वक हुने बताए ।

जुलुस तथा आम सभामा पार्टीका सम्पूर्ण नेता,कार्यकर्ता,जनता सबैले ढुक्कका साथ सहभागी हुन उनले आव्हान गरे ।

सन्देश सभालाई नेपाली कम्युनिष्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’,सह संयोजक एवं पूर्वप्रधानमन्त्री माधव नेपाल लगायतका नेताहरुले सम्बोधन गर्ने जनाइएको छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply