काठमाडौँ, फागुन १६ गते । विभागीय टोली एपिएफ क्लब र नेपाल पुलिस क्लबले एन्फा राष्ट्रिय लिगमा बराबरी खेल्दै अङ्क बाँडेको छ ।
त्रिपुरेश्वरस्थित दशरथ रङ्गशालामा शनिबार भएको खेलमा दुवै पुलिसले २–२ गोलको बराबरी खेल्दै अङ्क बाँडेको हो । बराबरीसँगै शीर्षस्थानमा रहेको एपिएफले आठ खेलबाट २० अङ्क बनाएको छ । आठ अङ्क बनाएको पुलिस १०औँ स्थानमा छ ।
यस्तै अर्को खेलमा श्री भगवती क्लबले काँक्रेबिहार क्लबमाथि ६–० गोलको सहज जित निकालेको छ । एकपक्षीय जितसँगै आठ खेलबाट आठ नै अङ्क बनाएको श्री भगवती १२औँ स्थानमा उक्लिएको छ । काँक्रेबिहारको समान खेलबाट एक अङ्क बनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
