कञ्चनपुरको लालझाडी गाँउपालिका तत्तकालिन प्रमुख प्रशासकीय अधिकृत लक्ष्मीदत्त भट्टले कार्यालय प्रयोजनका लागि खरिद गरेको एक थान टेलिफोन सेट साथमै लिएर गएका छन ।
हाल कैलालीको चुरे गाँउपालिका प्रमुख प्रशासकीय अधिकृतको जिम्मेबारीमा रहेका तत्तकालिन लालझाडी गाँउपालिका तत्तकालिन प्रमुख प्रशासकीय अधिकृत भट्टले कार्यालय प्रयोजनका लागि खरिद गरेको एक थान टेलिफोन सेट साथमै लिएर गएका हुन ।
उक्त मोबाईल सेट गाँउपालिका प्रमुख प्रशासकिय अधिकृतका रुपमा आउनेले प्रयोजनाका लागि खरिद गरिएको थियो । आफु सरुवा भई अन्यन्त्र जाँदा सो मोबाईल सेट कार्यालयमा बुझाएर जानुपर्ने भएपनि भट्टले साथमै लगेर महिनौँ विक्दा समेत बुझाएका छैनन ।
गत आर्थिक बर्ष २०७९÷०८० मा कार्यालयबाट प्रमुख प्रशासकीय अधिकृतको प्रयोजनका लागि केदार टेलिकमबाट ६१ हजार, १७६रुपैयामा खरिद गरिएको थियो । जबकी कुनैपनि प्रमुख प्रशासकीय अधिकृत कार्यालयमा आउँदा उनले प्रयोग गर्ने फोन राख्नुपर्ने भएपनि तत्तकालिन प्रमुख प्रशासकीय अधिकृत भट्टले साथमै लिएर गएपछि कार्यालय भित्र र बाहिर बिरोध भईरहेको छ ।
आर्थिक रुपमा मितव्यी कुरा गर्ने प्रमुख प्रशासकीय अधिकृत भट्टले महङगो फोन खरिद गरेर साथमै लिएको यो घटनाले उनको बिरोध भईरहेको छ । गत बर्ष संघीय मामिला तथा समान्य प्रशासन मन्त्रालयले भट्टलाई मंसिरमा लालझाडी गाँउपालिका प्रमुख प्रशासकीय अधिकृतको जिम्मेबारी दिएको थियो ।
गत साउनमा भट्ट लालझाडीबाट चुरे गाँउपालिका गए । उक्त सरकारी कामका लागि प्रयोजनाथ खरिद भएको मोबाईल कार्यालयमा बुझाउनुपर्ने भएपनि नबुझाएछी समाजिक सञ्जालमा समेत बिरोध भईरहेको छ ।
लालझाडीका स्थानीय युवा नेता राना शिवले पालिकाको सम्पत्तीको ६० हजारको मोबाईल फोन कर्मचारीले आफ्नै सम्झिएर खल्तीमा हालेर हिन्दिने भन्दै के पालिका तपाईहरुको निजी सम्पत्ती भन्दै प्रशन गरेका छन ।
यस बारेमा तत्तकालिन लालझाडी गाँउपालिका प्रमुख प्रशासकीय अधिकृत लक्ष्मीदत्त भट्टले कार्यालय प्रयोजनका लागि खरिद गरेको मोबाईल आफुसंगै रहेकोले फिर्ता गर्नुपर्ने भए फिर्ता गरिदिने प्रतिकृया दिए ।
कार्यालय प्रयोजनका लागि खरिद गरिएको हजारौँका समान व्यक्तिले निजी प्रयोजनका लागि पाईदैन भन्ने विषयमा उनी आफै बिर्सिएपछि समाजिक सञ्जालमा बिरोध भईरहेको छ ।
यसरी सरकारी सम्पत्ती व्यक्तिले दुरुपयोग गरेपछि नागरिकले समेत संस्थागत भ्रष्टाचार भन्दै बिरोध गरेका छन । लालझाडी गाँउपालिका सुचना अधिकारी नरेश चौधरीले आफुलाई यस बारेमा केही थाहा नभएको बताए ।
