कैलाली काँग्रेसद्वारा भुकम्प पिडितलाई १ लाख सहयोग

धनगढी, मंसिर ११
हालै जाजरकोटमा केन्द्र विन्दु बनाएर गएको भुकम्प प्रभावित क्षेत्रको पुननिर्माणार्थका लागि नेपाल नेपाली काँग्रेस कैलालीले १ लाख १ हजार १ सय ११ रुपैयाँ सहयोग प्रदान गरेको छ । सहयोग रकम नेपाल बैंक लिमिटेडको नेपाली काँग्रेस विपत व्यवस्थापन कोषको खाता नम्बर खाता नम्बर १३५००१००१५६९७२०००००१ जम्मा गरिएको नेपाली काँग्रेस कैलालीका सचिव केशव राज मिश्रले बताए । भुकम्प क्षेत्रको पुननिर्माण र पुर्नस्थापनामा सरकारलाई साथ दिन उक्त रकम कैलाली काँग्रेसले सहयोग गरेको जिल्ला सचिव मिश्रले बताए ।
नेपाली काँग्रेस केन्द्रीय कार्यालयले आवहान गरे अनुसार मानवीय भावनलाई ध्यान दिंदै आ–आफ्नो क्षेत्रवाट सबैलाई सहयोग गर्न पनि सचिव मिश्रले आव्हान गरेका छन् । साथै उक्त कार्यमा नेपाली काँग्रेसका भातृ तथा शुभेच्छुक संस्थाले पनि सक्रिय भएर लाग्न उनले आवहान गरेका छन् । भुकम्प प्रभावित क्षेत्रमा नेपाली काँग्रेसका केन्द्रीय सदस्य प्रदिप पौडेल, योगेन्द्र चौधरी लगायतका नेताहरु निर्माण कार्यमा खटिएका छन् ।