रैकवार खबर — कार्तिक २२, २०८२
कञ्चनपुर – “रक्तदान जीवनदान” भन्ने मूल नाराका साथ उदय बाल क्लब र उदय रेडक्रस सोसाइटीको संयुक्त आयोजनामा रक्तदान कार्यक्रम हुन गइरहेको छ।
कार्यक्रम उदय माध्यमिक विद्यालय बंक, कञ्चनपुरमा मिति २०८२ साल कार्तिक २२ गते शनिबार बिहान १० बजे हुने आयोजकले जानकारी दिएका छन्।
रक्तदान अभियान उदय माध्यमिक विद्यालयको आर्थिक सहयोग र रेडक्रस सोसाइटीको प्राविधिक सहयोगमा सञ्चालन गर्न लागिएको हो।
बाल क्लबका अध्यक्ष बासुदेव पाण्डेयका अनुसार, हाम्रो सानो सहयोगले कसैको जीवन बचाउन सक्छ भने हामी किन पछि पर्नु भन्ने सोचका साथ यो कार्यक्रम ल्याएका हौं।
त्यसैगरी, क्लबकी सचिव आशा बिष्टले भनिन्, विद्यार्थी, शिक्षक र स्थानीय बासिन्दाको सक्रिय सहभागितामा कार्यक्रम सफल बनाउने हाम्रो लक्ष्य छ।
रक्तदान कार्यक्रममार्फत समाजमा मानवीय भावना र सहकार्यको सन्देश फैलाउने उद्देश्य रहेको आयोजकले बताएका छन्।
