आइसिसी टी-२० विश्वकपमा आज तीन खेल हुँदैछ।
दुई खेल भारत र एक खेल श्रीलंकामा हुनेछ।
पहिलो खेलमा आयरल्याण्ड र ओमान भिड्दैछ। श्रीलंकाको कोलम्बोस्थित एसएससी क्रिकेट ग्राउन्डमा बिहान सवा ११ बजे खेल हुनेछ।
ओमान र आयरल्याण्ड समूह बी मा छन्। दुवैले दुई खेल खेलेका छन् भने दुवै खेलमा पराजित भएका छन्। आज उनीहरूले तेस्रो खल खेल्दैछन्।
सवा ३ बजे हुने दोस्रो खेलमा इंग्ल्याण्ड र स्कटल्याण्ड भिड्दैंछन्। खेल कोलकातास्थित इडेन गार्डेनमा हुनेछ।
दुई देश नेपाल रहेको समूह सी मा छ।
दुवै देशले दुई दुई खेल खेलेका छन् भने एक-एक खेल हारेका छन्।
रनरेटका आधारमा स्कटल्याण्ड अघि छ।
तेस्रो खेलमा न्युजिल्याण्ड र दक्षिण अफ्रिका भिड्दैछन्।
दुई देशबीच अहमदाबादस्थित नरेन्द्र मोदी स्टेडियममा खेल हुँदैछ।
दुवै टोलीले तेस्रो खेल खेल्न लागेका हुन्। अघिल्ला दुवै खेलमा न्युजिल्याण्ड र दक्षिण अफ्रिका विजयी भएका छन्।
