हेमा भट्ट, धनगढी, चैत १० – सुदूरपश्चिम प्रदेशमा चैती छठ पर्व २०८२, चैती दशैं र रामनवमीको तयारी पूर्ण रूपमा सम्पन्न भएको छ। यस वर्षको पर्व सामाजिक सद्भाव, सांस्कृतिक उत्साह र धार्मिक भक्ति भावले भरिपूर्ण हुने अपेक्षा छ।
विशेष भजन कार्यक्रम आज साँझ ५:०० देखि ८:०० बजे आयोजना हुने छ, जहाँ स्थानीय कलाकारहरूले भक्तिपूर्ण प्रस्तुति दिनेछन्। प्रमुख पर्व कार्यक्रम भोली बिहान ५:०० देखि ८:०० बजे सम्म सञ्चालन हुनेछ, र ७:३० बजे प्रसाद ग्रहणको अवसर रहनेछ।
मुख्य आयोजक छठ पूजा सेवा समिति, धनगढी, कैलाली ले सबै भक्तजनलाई सुरक्षित र व्यवस्थित रूपमा सहभागी हुन आग्रह गरेका छन्। पर्वले धार्मिक मात्र होइन, सामाजिक एकता र सांस्कृतिक चेतना फैलाउने अवसर पनि प्रदान गर्ने विश्वास व्यक्त गरिएको छ।
भक्तजनलाई मास्क, सामाजिक दूरी र सुरक्षा नियम पालना गरी कार्यक्रममा सहभागिता जनाउन अनुरोध गरिएको छ। यस वर्षको चैती छठले समुदायमा धर्म, संस्कृति र सद्भावको महत्त्व उजागर गर्ने अपेक्षा गरिएको छ।
