स्वेता भट्ट
धनगढी : नेकपा (माओवादी केन्द्र) ले आगामी मंसिर ४ गते हुने निर्वाचनका लागी बैतडीले संघ र प्रदेश सभा निर्वाचनका लागि उम्मेदवारहरु सिफारिस गरिएको छ । मंसिर ४ गते हुने निर्वाचनमा प्रतिनिधिसभाका लागि नरेन्द्रबहादुर कुँवर सर्वसम्मत सिफारिस भएका छन् भने प्रदेशसभा १ र २ मा एकभन्दा बढी नेताको नाम सिफारिस गरिएको छ। एक संघीय निर्वाचन क्षेत्र रहेको बैतडीमा प्रतिनिधिसभाका लागि पोलिट्ब्युरो सदस्य एवं बैतडी इन्चार्ज नरेन्द्रबहादुर कुँवर सर्वसम्मत सिफारिस भएको सराेकार वालाले बताए। कुँवर पहिलो संविधान सभाको चुनावमा बैतडी निर्वाचन क्षेत्र नम्बर १ बाट विजयी भएका थिए भने दोस्रो संविधान सभाको चुनावमा नेकपा एमालेका उम्मेदवार दामोदर भण्डारीसँग पराजित भएका थिए।
बैतडीबाट संघीय सांसदको समानुपातिकतर्फ लक्ष्मी ओड र स्वेता भट्ट सिफारिस गरेको छ माओवादी केन्द्रले प्रदेशसभा १ बाट ५ जनाको नाम सिफारिस गरेको छ। यस्तै प्रदेश निर्वाचन क्षेत्र नम्बर २ बाट ४ जना उम्मेदवारीहरुको नाम सिफारिस गरेको हो ।
