सुदूरपश्चिम प्रदेशका मुख्यमन्त्री राजेन्द्र रावलले प्रदेशसभाबाट विश्वासको मत लिने अघिल्लो दिन नागरिक उन्मुक्ति पार्टीका सातै जना सांसदहरू काठमाडौं आएका छन् । मुख्यमन्त्री रावलले प्रदेशसभाबाट विश्वासको मत जित्न नागरिक उन्मुक्ति पार्टीका सात सांसदको मत निर्णायक छ ।
अहिलेसम्म नाउपाले विश्वासको मत दिने–नदिनेबारे निर्णय लिएको छैन । भाेलि बस्ने प्रदेशसभाकाे बैठकमा मुख्यमन्त्री रावलले विश्वासकाे मत लिने तालिका छ । पार्टीका संरक्षक रेशमलाल चौधरीले विश्वासको मत दिने–नदिनेबारे छलफल गर्न बोलाएपछि सातै जना सांसदहरू आज बिहान जहाज चढेर काठमाडौं आएका हुन् ।
उनीहरूले डिल्लीबजार कारागारमै पुगेर रेशमसँग यसबारे छलफल गर्ने छन् । ‘हेडक्वार्टरले बाेलाएपछि सांसदहरू काठमाडाैं जानुभएकाे हाे । आजै फर्किने तालिका छ’, नाउपाका प्रवक्ता दामाेदर पण्डितले भने ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
