वनमा लागेकाे डढेलाे घर पस्याे, दुई घर जले

७ वैशाख धनगढी
आगलागीबाट पाँच लाख बराबरको क्षति भएको छ । जिल्लाको पञ्चेश्वर गाउँपालिका–४ भनकुडाका जयबहादुर चन्दको ४ कोठे र ७ कोठे गरी २ वटा घरमा आगलागी भएको हो । आगलागीबाट घरभित्र रहेका काठ, भाडाबर्तन, लत्ताकपडा, खाद्यान्न, सोलार प्यानल लगायतका सामान गरि अन्दाजी ५ लाख बराबरको धनमाल जलेर नष्ट भएको बैतडीका प्रहरी प्रवक्ता, प्रहरी निरीक्षक खेमबिक्रम केसीले जानकारी दिनुभयाे । वनमा लागेको डढेलो घरमा सल्किदा खरले छाएका दुई घरमा आगलागी भएको हाे । आगलागीबाट मानवीय तथा चौपाया क्षती नभएको बताइएको छ । प्रहरी र स्थानीयको सहयोगमा आगलागी नियन्त्रणमा लिइएको थियो । घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।