हेमा भट्ट २३ चैत २०८१
कञ्चनपुर — “स्वाभिमान सुदूरपश्चिम” अभियानको कञ्चनपुरमा पहिलो बैठक सनिवार सम्पन्न भएको छ। बैठकले अभियानलाई स्थानीयस्तरमा सशक्त रूपमा अगाडि बढाउने उद्देश्यले समितिहरू गठन गरेको छ।
बैठकमा उद्योग वाणिज्य संघ कञ्चनपुरका अध्यक्ष पिताम्बर जोशीको संयोजकत्वमा ९ सदस्यीय मूल समिति गठन गरिएको छ। साथै, लिलाध्वज बस्नेतको संयोजकत्वमा सल्लाहकार समिति पनि गठन गरिएको छ, जसले अभियानको मार्गदर्शन र सुझाव प्रदान गर्नेछ।
पिताम्बर जोशीले आगामी दिनमा अभियानलाई प्रभावकारी रूपमा अगाडि बढाउने प्रतिबद्धता व्यक्त गर्दै सुदूरपश्चिमको पहिचान, आत्मसम्मान र विकासको पक्षमा जिम्मेवारीपूर्वक काम गर्ने बताए।
“स्वाभिमान सुदूरपश्चिम” अभियान सुदूरपश्चिमका हक–अधिकार, सम्भावना र पहिचानको संरक्षणका लागि सञ्चालित भएको हो।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
