ठाकुरबाबामा खो-खो लिग प्रतियोगिता सुरु

चैत २५ धनगढी
नेपालकै पहिलो भनिएको खो-खो लिग प्रतियोगिता बर्दियाको ठाकुरबाबा नगरपालिकामा सुरु भएको छ । नेपाल खो-खो सङ्घका अध्यक्ष प्रदीप महर्जनको अध्यक्षता तथा लुम्बिनी प्रदेशका सामाजिक विकासमन्त्री जन्मजय तिमिल्सिनाको प्रमुख आतिथ्यमा आइतबार (२४ चैत) प्रतियोगिताको उद्घाटन गरिएको हो ।

यो प्रतियोगिता रानीपुर कभर्डहलमा यही चैत २८ गतेसम्म सञ्चालन हुनेछ । प्रतियोगितामा पाँच टिम-डली कन्स्ट्रक्सन राइनोज, न्याचर नेष्ट टाइगर्स, विकास प्रेमी ब्ल्याकबक, सुदूरपश्चिम किंग्स र कञ्चन गडाहवा रोयल्सबीच कुल १४ खेल हुने छ ।

प्रतियोगिताको पहिलो दिन डली कन्स्ट्रक्सन राइनोज र न्याचर नेष्ट टाइगर्सबीच कडा प्रतिस्पर्धा भयो । त्यसैगरी सुदूरपश्चिम किंग्स र कञ्चन गडाहवा रोयल्सबीच पनि खेल भएको छ । ठाकुरबाबा नगरपालिका खो-खो खेलका लागि उर्वर भूमि मानिँदै आएको छ ।

प्रवेश शुल्कको रूपमा सम्पूर्ण प्रतियोगिता अवधिका लागि ठिकट दर रु एक हजार तोकिएको छ भने एक दिनका लागि रु २०० निर्धारण गरिएको छ । विद्यार्थीका लागि यो दर पुरै खेल अवधिका लागि रु ५०० र एक दिनका लागि रु १५० तोकिएको आयोजकले जनाएको छ ।

विसं २०७० देखि ठाकुरबाबा नगरपालिकामा खो–खो खेल हुँदै आएको हो । विश्वकप खो–खो प्रतियोगितामा नेपालले उपविजेता स्थान हासिल गरिसकेको छ । जसले यो लिगलाई अझै प्रेरणादायी बनाएको छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply