काठमाडौ -सिन्धुपाल्चोक र सुर्खेत — करणी आरोपमा विभिन्न स्थानमा तीन जना पक्राउ परेका छन्।
सिन्धुपाल्चोकको बाह्रबिसे नगरपालिका–२ सिम्ले बस्ने ३० वर्षीय बुद्ध लामालाई १२ वर्षीया बालिकामाथि करणी गरेको आरोपमा सोमबार इलाका प्रहरी कार्यालय बाह्रबिसेले पक्राउ गरेको छ।
त्यसैगरी सुर्खेतको बिरेन्द्रनगर नगरपालिका–५ बस्ने ३२ वर्षीय महेन्द्र सुनारलाई २८ वर्षीया महिलामाथि करणी गरेको आरोपमा आइतबार जिल्ला प्रहरी कार्यालय सुर्खेतले पक्राउ गरेको हो।
सुर्खेतकै बिरेन्द्रनगर नगरपालिका–१ सोलिघोप्टे बस्ने २३ वर्षीय सुरेशकुमार आचार्यलाई २७ वर्षीया महिलामाथि करणी गरेको अभियोगमा प्रहरीले पक्राउ गरेको छ।
प्रहरीका अनुसार ती तीनै घटनाबारे थप अनुसन्धान भइरहेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1