केशव थापा, कञ्चनपुर – साउन २९
कञ्चनपुरका युवा रेडक्रसकर्मी अशोक पाण्डेय नेपाल रेडक्रस सोसाइटी कञ्चनपुरको मन्त्री पदका लागि सक्रिय रूपमा चुनावी दौडमा जुटेका छन्। बेलौरीका स्थानीय पाण्डेयले आगामी ३१ साउनमा हुने नयाँ कार्यसमिति निर्वाचनमा आफ्नो उम्मेदवारी तय गर्दै प्रबल आकांक्षीको रूपमा नाम अगाडि सारेका हुन्।
दुई दशकदेखि समाजसेवामा सक्रिय पाण्डेयले ०६३ सालमै स्कुले जीवनमा जुनियर रेडक्रसकर्मीको रूपमा यात्रा सुरु गरेका थिए। ०७१ मा रेडक्रसको आजीवन सदस्य बनेका उनले ०७३ मा बेलौरीको त्रिपुरा उपशाखा सहसचिव र ०७८ मा जिल्ला कार्य समितिको जिम्मेवारी सम्हालिसकेका छन्।
मन्त्री पदका लागि अघि बढेका पाण्डेयले जिल्लाभर निःशुल्क रगत उपलब्ध गराउने, विपद्को पहिचान र न्यूनीकरणमा सक्रिय रहने, तथा रेडक्रसको सेवा अझ प्रभावकारी बनाउने एजेन्डा प्रस्तुत गरेका छन्। हाल बेलौरी नगरपालिका विपद् फोकलपर्सनका रूपमा कार्यरत उनले युवालाई पनि जिम्मेवारीमा अघि ल्याउने प्रतिवद्धता व्यक्त गरेका छन्।
हाम्रो सेवा जनतासम्म समयमै पुर्याउन सक्षम टोली आवश्यक छ,” पाण्डेयले भने, “जिम्मेवारी पाए जिल्लाभर रेडक्रसलाई अझै चुस्त–दुरुस्त बनाउँछु।
