हेमा भट्ट
धनगढी उपमहानगरपालिका–५, हसनपुरस्थित विरजया ग्रील, स्टील एण्ड अल्मुनियम उद्योगमा कार्यरत एक युवक मृत अवस्थामा फेला परेका छन्।
जिल्ला बैतडी सुर्नया–२ पटनौलीका २१ वर्षीय सुनिल भुल करिब डेढ महिना अघि रोजगारीको खोजीमा उक्त उद्योगमा आएका थिए। साउन २९ गते राति उनी उद्योगकै कोठामा वाइफाईको तारमा झुन्डिएको अवस्थामा भेटिएका हुन्।
घटनापछि प्रहरीको टोलीले क्षेत्रलाई निषेधित क्षेत्र घोषणा गर्दै अनुसन्धान प्रारम्भ गरेको छ। मृतकका बुवा र आफन्त घटनास्थलमा पुगेपछि मात्र मुचुल्का उठाई पोस्टमार्टम तथा थप अनुसन्धान अघि बढाइने प्रहरीले जनाएको छ।
मृतकका सहोदर काका राजेन्द्र भुलका अनुसार, सुनिलको मृत्यु रहस्यमय देखिएको छ र परिवारले घटनाबारे सत्य तथ्य सार्वजनिक गर्न माग गरेका छन्।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
