भदौ ४ धनगढी
कैलाली र कञ्चनपुरबाट प्रहरीले भन्सार छलीका सामान बरामद गरेको छ।
कैलालीको भजनी नगरपालिका–१ गोदाम टोलको बाटो छेउ र टीकापुर नगरपालिका–६ भर्तापुर स्थित सडक खण्डबाट अवैध रुपमा भारतबाट भन्सार छली गरि ल्याएका ४ लाख ३ हजार ४ सय बराबरको सामान प्रहरीले बरामद गरेको हो ।
उक्त मुल्य बराबरको मोटरसाइकलका विभिन्न पाटपुर्जा बल्ब, व्यारिङ, ब्रेक लिभर, ब्रेक प्याड, ह्याण्डिल कोन, कट अफ स्विच, १२ भोल्ट ब्याट्री लगायतका सामान जिल्ला प्रहरी कार्यालय कैलाली तथा मातहत कार्यालयबाट संयुक्त खटिएको प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको जनाएको छ।
यस्तै, कञ्चनपुरको भीमदत्त नगरपालिका–४ बसपार्क र दोधारा चाँदनी नगरपालिका–१ मलरिया नालाबाट अवैध रुपमा भारतबाट भन्सार छली गरि ल्याएका ५ लाख ६८ हजार ७७० बराबरको सामान बरामद गरेको छ।
सो मूल्यको भन्सार छलीको चिनी, पेय पदार्थ, खानेतेल, कस्मेटिक लगायतका सामान जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको जनाइएको छ।
