हेमा भट्ट, कैलाली – भाद्र १४, २०८२
राजघाट- सुदूरपश्चिमको सांस्कृतिक र धार्मिक पर्व गौरा यस वर्ष विशेष रूपमा मनाइने भएको छ। धनगढी–१३, राजपुरस्थित शिखर काफली सेवा समाज नेपालले गौरा विशेष शुभकामना आदानप्रदान र बृहत देउडा कार्यक्रमको तयारी गरेको समाजले जनाएको छ।
उद्घाटन कार्यक्रम भाद्र १५ गते दिउँसो १२ बजे कृष्णपुर–९, शिवदुर्गा मन्दिर प्राङ्गणमा हुनेछ भने मुख्य देउडा कार्यक्रम राजघाट रिभरसाइड खेल मैदानमा सञ्चालन हुनेछ।
गौरा पर्व धार्मिक मात्र नभई सामुदायिक मिलन र एकताको प्रतीक पनि हो। पुरुष–महिला सबैले सामूहिक रूपमा गाउने–नाच्ने देउडा गीत यस पर्वको मुख्य आकर्षण हो।
आयोजक समितिले सबै पदाधिकारी, सदस्य, शुभेच्छुक र स्थानीयवासीलाई कार्यक्रममा उपस्थित हुन हार्दिक अनुरोध गरेको छ।
कार्यक्रम विवरण:
मिति: भाद्र १५–१८, २०८२
समय: दिउँसो १२ बजे
स्थान: शिवदुर्गा मन्दिर प्राङ्गण (उद्घाटन), राजघाट रिभरसाइड खेल मैदान (देउडा कार्यक्रम)
आयोजक: शिखर काफली सेवा समाज नेपाल, धनगढी–१३, राजपुर
