सरस्वती सुनार, असोज १३
कञ्चनपुर – धनगढी शहरको छेउमै बग्ने मोहना नदी धेरै वर्षसम्म स्थानीय बासिन्दाका लागि एउटा विभाजनको रेखाजस्तै थियो। नदी पारि रहेको राजघाट दुर्गम मानिन्थ्यो—आवतजावतका लागि पुल थिएन, बाटो थोरै, र चहलपहल अझै कम। गाउँलेहरू बिहानै खेततिर लाग्थे, बेलुका नदी किनारमै गीत गाएर विश्राम लिँथे। शहरको भीडभाडभन्दा टाढा, राजघाट शान्त तर अलि अलग्गिएको बस्ती थियो।
तर, आज दृश्य बदलिएको छ। पुल बनेपछि राजघाट अब धनगढीको मुटुमै जोडिएको छ। शिक्षा, स्वास्थ्य, व्यापार, बजार र होटल व्यवसायले दिनप्रतिदिन चहलपहल बढाइरहेको छ। स्थानीयहरू गर्वका साथ भन्छन्—“हामी अब शहरभन्दा कम छैनौं।”
यसै परिवर्तित राजघाटमा, हरियो वनस्पति र मोहना नदीको छेउमा, उद्यमी विपिन सिंहले ग्रीन भ्यु खानपान रिसोर्ट स्थापना गर्नुभएको छ। दशैंदेखि औपचारिक रूपमा सञ्चालनमा आउने यो रिसोर्टबारे उहाँका सहयोगी लाल सिंह रावलले जानकारी दिनुभयो।
रिसोर्ट पुगेपछि पाहुनाले खुलेआकाश मुनि हरियो दृश्य, शान्त वातावरण र मोहना नदीको मन्द बयारसँगै स्वादिष्ट खानपानको आनन्द लिन सक्नेछन्। नजिकै रहेको फाप्ला क्रिकेट मैदान र प्राकृतिक पार्कले यो स्थानलाई थप आकर्षक बनाएको छ।
रिसोर्टमा सेमिनार, विवाह पार्टी, सांस्कृतिक तथा सामाजिक कार्यक्रम आयोजना गर्न सकिने सुविधा छ। साथै, लोकल कुखुरा, अर्गानिक सेकुवा, खसी, वंगुर र कुखुराका परिकारहरू विशेष सहुलियतमा उपलब्ध हुनेछन्।
‘खुला आकाश मुनि हरियो दृश्य, रमाइलो वातावरण र स्वादिष्ट खानपान’ भन्ने नारासहित सुरु भएको यो रिसोर्टले दशैंपछि यात्रा गर्नेहरू र सेवाग्राहीहरूको रोजाइमा पर्ने अपेक्षा गरिएको छ।
राजघाटको पुरानो “दुर्गम” छवि बिस्तारै हराउँदैछ। पुलले ल्याएको सुविधा, बजारको चहलपहल र अब खुलेको ग्रीन भ्यु रिसोर्ट—यी सबैले यो क्षेत्रलाई नयाँ पहिचान दिइरहेका छन्। स्थानीयहरूको खुशी शब्दमा मात्र होइन, आँखामा चमक भएर झल्किरहेको छ।
