हेमा भट्ट, कार्तिक ४
कञ्चनपुर – सुदूरपश्चिमको बैतडी जिल्ला, पुचौंडी नगरपालिका–८ मल्लादेहीका बालक सन्देश लुहार अहिले जीवन र मृत्युको संघर्षमा छन्। गरीब परिवारमा जन्मिएका सन्देश अहिले कञ्चनपुरको भिमदत्त नगरपालिका–स्थित महाकाली प्रादेशिक अस्पतालको दोस्रो तलामा उपचाररत छन्। चिकित्सकका अनुसार उनी गम्भीर कुपोषण र अन्य सह–रोगबाट ग्रसित छन्।
सन्देशको शरीर दिनप्रतिदिन कमजोर हुँदै गएको छ। अस्पतालको बेडमा सुतेका उनका स–साना हातखुट्टा र थाकेका आँखाहरूमा पनि जीवनप्रतिको आशा झल्किन्छ।
बुबा ललित लुहार भन्छन्, “मेरो अवस्था अत्यन्त कमजोर छ, उपचार कसरी गरौँ? सबैको सहयोगको अपील गर्छु।”
दैनिक ज्यालादारी गरेर गुजारा चलाउने ललित र उनकी श्रीमती सिमा लुहार अहिले अस्पतालका बिल र औषधि खर्चले थिचिएका छन्। सन्तानको उपचारका लागि उनीहरू सबै ढोका ढकढकाइरहेका छन्, तर आवश्यक रकम जुटाउन नसक्दा सन्देशको जीवन संकटमा परेको छ।
ललित दम्पतीले समाज, गाउँ, शहर र परदेशमा रहेका सबै नेपालीसँग माया र सहयोगको गुहार गरेका छन् —
हाम्रो सन्देशलाई बचाइदिनुहोस्। तपाईंको सानो सहयोगले उसको जीवनमा नयाँ उज्यालो ल्याउन सक्छ।
सहयोग गर्न चाहनेका लागि सम्पर्क नम्बरहरू पनि उपलब्ध छन्:
ई–सेवा नम्बर: ९८६६५४९०७३ ( लक्ष्मण लुहार)
भारतबाट सहयोगका लागि नम्बर: ९७१७३२०६७० (प्रेम सिंह)
साना–साना सहयोगका थोपाहरूले एउटा अमूल्य जीवन बचाउन सक्छ। यो केवल एउटा परिवारको कथा होइन — यो त हाम्रो मानवता र करुणाको परीक्षा हो।
सन्देशको सास सँगसँगै बुबाआमाको आशा बाँचेको छ।
त्यसैले, ‘सन्देश लुहार बचाऔं अभियान’ ले सबैलाई सन्देशको जीवन उज्यालो बनाउन सघाउन आग्रह गरेको छ।
