कार्तिक १४
हेमा भट्ट, कञ्चनपुर —कञ्चनपुर जिल्ला वेदकोट नगरपालिका–०१ निवासी पूर्व जनमुक्ति सेना नेपालका प्लाटुन कमाण्डर क. विरेन्द्रविक्रम भण्डारीको मिति २०८२ कार्तिक ६ गते भएको असामयिक निधनप्रति पूर्व जनमुक्ति सेना नेपाल, जिल्ला कार्यसमिति कञ्चनपुरले गहिरो दुःख व्यक्त गर्दै श्रद्धाञ्जली अर्पण गरेको छ।
संगठनले भण्डारीको असामयिक निधनले ठूलो क्षति पुगेको जनाउँदै सोकसन्तप्त परिवारप्रति हार्दिक समवेदना प्रकट गरेको छ। श्रद्धाञ्जली कार्यक्रममा पूर्व जनमुक्ति सेनाका सदस्यहरूले भण्डारीको योगदान र संघर्षपूर्ण जीवनको स्मरण गर्दै उहाँको आदर्शलाई अनुसरण गर्नुपर्ने बताएका थिए।
यसैबीच, संगठनका तर्फबाट सोकसन्तप्त परिवारलाई सहयोगस्वरूप रु ११,६५५ नगद हस्तान्तरण गरिएको छ। सहयोग रकम विभिन्न पूर्व जनमुक्ति सेनाका सहकर्मीहरूबाट संकलन गरिएको हो।
सहयोग गर्ने सहयोगीहरूमा —
लाल धानुक (क. लोकेश) रु ५००, जय सिंह भण्डारी (क. जमन) रु ५००, रमेश भण्डारी (क. राजेश) रु ६००, केशव शाह (क. सागर) रु १०००, गणेश ब. चन्द (क. उमेश) रु १०००, दिपक प्रकाश साउद (क. सिखर) रु १०००, नमराज भट्ट (क. प्रकाश) रु १६०, बिक्रम धानुक रु १०००, खेमराज ओझा (क. पदम) रु ५००, दिपक खत्री (क. निर्माण) रु ७००, जित ब. कडिया कङगैवर (क. अजित) रु १००५, रामप्रसाद चौधरी (क. सम्मान) रु १०००, बिर्ख बहादुर धामी (क. दिप) रु २००० र निर्माण खत्री रु ७०० रहेका छन्।
कार्यक्रममा सहभागीहरूले भण्डारीप्रति श्रद्धाञ्जली अर्पण गर्दै उहाँको आत्माको चिरशान्तिको कामना गरेका थिए ।
