हेमा भट्ट ,कञ्चनपुर, कार्तिक २२, २०८२
कृष्णपुर नगरपालिका–६, बालुवाफाँटास्थित प्रगतिशील सामुदायिक वन उपभोक्ता समूहले आफ्नो १३औं वार्षिक साधारणसभा उत्साहपूर्वक सम्पन्न गरेको छ।
कार्यक्रम समूहका अध्यक्ष छोटेलाल चौधरीको अध्यक्षतामा सम्पन्न भएको थियो भने प्रमुख अतिथि वडा नं. ६ का अध्यक्ष बाबुराम चौधरी रहनुभएको थियो।. कार्यक्रममा सिएफसिसि कञ्चनपुरका अध्यक्ष तथा सिंहपुर सामुदायिक वनका अध्यक्ष जोगराज चौधरी, सीता सामुदायिक वनका अध्यक्ष पुनाराम चौधरी, कृष्णपुर नगरपालिका–६ का वडा सदस्य रमेश चौधरी, महाकाली सामुदायिक वनका अध्यक्ष वीरबहादुर राजवंशी, गौरादेवी सामुदायिक वनका उपाध्यक्ष गणेशदत्त जोशी, वनदेवी सामुदायिक वनका अध्यक्ष रामचन्द्र भट्ट, उग्रतारा सामुदायिक वनका अध्यक्ष मदन राना, बिरेन्द्र सामुदायिक वनका सल्लाहकार संयोजक मीन बिष्ट, साथै पिपरिया सब-डिभिजन वन कार्यालयका कर्मचारी हरि सार्की र निराजन सिंह, महाकाली माध्यमिक विद्यालयका प्रधानाध्यापक प्रेम बोगटी, तथा गौरीशंकर आधारभूत विद्यालयका प्रधानाध्यापक मिन राज कठायत लगायतको उल्लेखनीय उपस्थिति रहेको थियो।
साधारणसभाको उद्घाटन प्रमुख अतिथि चौधरीले गर्नुभयो।
लेखा संयोजक गंगाराम चौधरीले २०८१/८२ सालको रु. ३० लाख ६६ हजार २३ को आयव्यय प्रतिवेदन प्रस्तुत गर्नुभयो भने सहसचिव दलबहादुर बलायरले २०८२/८३ सालको रु. ३५ लाख ७९ हजार ९ सय को अनुमानित बजेट पेश गर्नुभयो।
कार्यक्रमको सञ्चालन कोषाध्यक्ष फूलकुमारी चौधरीले गर्नुभएको थियो भने स्वागत मन्तव्य सुरेन्द्र बोगटीले राख्नुभएको थियो।
कार्यक्रममा जगनसिंह चौधरी, महाकाली माध्यमिक विद्यालयका प्रधानाध्यापक प्रेम बोगटी, र गौरीशंकर आधारभूत विद्यालयका प्रधानाध्यापक मीनबहादुर कठायत लगायतले शुभकामना मन्तव्य दिनुभएको थियो।
प्रधानाध्यापक कठायतले सामुदायिक वनले गरिबी निवारण र शिक्षामा जोड दिनुपर्ने सुझाव दिनुभयो।
युवा तथा समाजसेवी महेन्द्र रोकायले सामुदायिक वनलाई “साझा सम्पत्ति”को रूपमा इमानदारीपूर्वक अघि बढाउनुपर्ने धारणा राख्नुभयो।
युवा सनम चौधरीले समितिमा पारदर्शिता र समान व्यवहारमा सुधार आवश्यक रहेको टिप्पणी गर्दै अपेक्षा व्यक्त गर्नुभयो।
कोषाध्यक्ष पदम दमाईले समूह विधान र कार्यविधिअनुसार मात्रै सञ्चालन हुने उल्लेख गर्दै “कसैले कमजोरी देखेका छन् भने प्रमाणसहित आउनुहोस्, विधानअनुसार कारबाही गर्न तयार छौं” भन्नुभयो।
त्यस्तै जानकी सामुदायिक वनका अध्यक्ष चन्द्रप्रकाश भट्ट, महाकाली सामुदायिक वनका अध्यक्ष वीरबहादुर राजवंशी, र सीता सामुदायिक वनका अध्यक्ष पुनाराम चौधरीले वन संरक्षण, नीति र उपभोक्ताको जिम्मेवारीबारे सुझावात्मक मन्तव्य राख्नुभयो।
सिएफसिसि कञ्चनपुरका अध्यक्ष जोगराज चौधरीले उपभोक्ता र समितिबीचको सहकार्य सुदृढ बनेरै वन सशक्त बन्ने धारणा व्यक्त गर्नुभयो।
मुख्य अतिथि वडा अध्यक्ष बाबुराम चौधरीले “वन हाम्रो साझा सम्पत्ति हो, कसैलाई काखा कसैलाई पाखा नगरी सबैलाई समान रूपमा अघि बढाउनुपर्छ” भन्दै स्थानीय सरकारको सहकार्य सुनिश्चित गर्ने प्रतिबद्धता जनाउनुभयो।
कार्यक्रममा रिच एकेडेमी विद्यालयका विद्यार्थीहरूद्वारा आकर्षक नृत्य प्रस्तुति दिइएको थियो।
त्यसैगरी, ८० वर्ष पूरा गरेका ३० भन्दा बढी ज्येष्ठ नागरिकहरूलाई दोसल्ला, बिस्कुट र फ्रुटी दिएर सम्मान गरिएको थियो।
सम्मानितमध्ये सभाने कठायत, मसिरी लुहार, टीका भाट, गोरख भाट, जोगी भाट, नारुदेवी भट्ट, पद्मादेवी रोकाया, नन्नादेवी कठायत, चम्फादेवी रावल, शलिभान रावल, जया भुल, मानीदेवी खड्का, बासु भाट, कुन्ती कुवर, हस्तबहादुर रावल, केशु डगौरा थारु, बाधुराम चौधरी, नारुदेवी बोगटी, जानकी जोशी, कमल भट्टराई, रामबहादुर रावल, मन्धरा देवी बिष्ट, कित्थी देवी बिष्ट, वीरबहादुर कठायत, दलबहादुर बिष्ट, जयराज कामी, नन्दा सिंह बिष्ट, पार्वती देवी बिष्ट र बिरुदेवी विक रहेका छन्।
समूहको कुल क्षेत्रफल १४० हेक्टर रहेको छ भने ६ सय उपभोक्ता सदस्य संलग्न छन्।
कार्यक्रममा विभिन्न सामुदायिक वनका पदाधिकारी, विद्यालयका शिक्षक, स्थानीय समाजसेवी तथा उपभोक्ताहरूको उल्लेखनीय उपस्थिति रहेको थियो।
अन्त्यमा, अतिथिहरूलाई समूहले मायाको चिनो प्रदान गर्दै साधारणसभाको समापन गरिएको थियो।
