हेमा भट्ट, मंसिर १
धनगढी, कैलाली – स्थानीय सामुदायिक वन प्रतिनिधिहरूले चार वर्षको सफल कार्यकाल पूरा गर्दै गोदावरी वन अधिकृत निरञ्जन कडाललाई सम्मानसहित विदाइ दिएका छन्।
कडालको नेतृत्वमा, यस क्षेत्रका सामुदायिक वनहरू उल्लेखनीय रूपमा विस्तार भए। जब उनको कार्यकाल सुरु भएको थियो, केवल ६ वटा सामुदायिक वन सक्रिय थिए। उनले जनचेतनामूलक कार्यक्रम सञ्चालन गर्दै वन अतिक्रमण रोक्ने र स्थानीय समुदायमा सचेतना जगाउने कामलाई प्राथमिकता दिएका थिए।
उनको पहलमा हाल ७० वटा सामुदायिक वन सक्रिय भएका छन्, जसमध्ये ६० वटा वनले नियमित काठ–दाउरा संकलनमा सफलता पाएका छन्। कडालले भने, “चेतना दिएँ, वन अतिक्रमण रोकियो, र उपभोक्तासँग सम्बन्ध सुदृढ भयो। अब यस क्षेत्रबाट अवैध काठ–पैठारी पूर्णरूपमा समाप्त भएको छ।”
उनी वन अतिक्रमण गर्ने व्यक्तिहरूविरुद्ध कानूनी कदम चाल्न पनि अग्रसर रहे; कैलाली अदालतमा सयभन्दा बढी मुद्दा दायर गरिएका छन्।
विदाइ समारोहमा कडाललाई अनुभवी, सहासी र युवा अधिकृतको रूपमा चिनाउँदै सम्मान गरिएको थियो। कडालले सबैलाई धन्यवाद दिंदै भने, “सधैं वन, वन्यजन्तु र समाजको हितका लागि सहकार्य गर्दै जानेछु।”
स्थानीय समुदायले उनको कार्यकाललाई वन संरक्षण र सामाजिक सहभागिताको उदाहरणको रूपमा स्मरण गर्ने बताएका छन्।
