हेमा भट्ट,११ मंसिर २०८२
धनगढी–३ संगम टोलमा अवस्थित सिपि अस्पताल प्रालि ले आधुनिक उपकरण, दक्ष चिकित्सक र सर्वसुलभ सेवासहित समुदायलाई भरपर्दो स्वास्थ्य सेवा प्रदान गर्दै आएको छ। अत्यावश्यक उपचारदेखि विशेषज्ञ परामर्शसम्मका सेवा एकै ठाउँमा उपलब्ध गराउँदै आएको अस्पतालले हाल विशेष छुट तथा सहयोग कार्यक्रम समेत सञ्चालन गरी सर्वसाधारणलाई राहत प्रदान गरेको छ।
अस्पताल परिसरमा आपतकालीन सेवा, फार्मेसी, ओपीडी, USG, एक्स–रे, CT–स्क्यान, रिपोर्टिङ कक्ष, फिजियोथेरापी, प्रयोगशाला, शवगृह, क्यान्टिन, पार्किङ, लिफ्ट र सुरक्षा गेट जस्ता पूर्वाधार व्यवस्थित छन्। धनगढी–डडेलधुरा राजमार्ग छेउमै रहेको भएकाले यसमा उपचारका लागि आउनेको संख्या दिनानुदिन बढ्दै गएको छ।
यहाँ कार्यरत विभिन्न विशेषज्ञ चिकित्सकहरूले दैनिक रूपमा सेवा उपलब्ध गराइरहेका छन्। स्त्री तथा प्रसूति रोग विशेषज्ञ तथा स्वर्ण पदक विजेता डा. तुषार कुँवर, अर्थोपेडिक सर्जन डा. अमित बहादुर सिंह, युरोलोजी सर्जन डा. विभूषित महत, आन्तरिक रोग विशेषज्ञ डा. गौरव कुमार गुप्ता, ENT सर्जन डा. सन्तोष डीसी, एनेस्थेसियोलोजिस्ट डा. सञ्जय शाह, फिजियोथेरापिस्ट नवीन ढुङ्गाना लगायतका चिकित्सकहरूका कारण अस्पतालमा गुणस्तरीय उपचार सुनिश्चित भएको जनाएको छ।
अस्पतालले बिरामीमैत्री वातावरण, समयमै उपचार, सहज शुल्क र “जहाँबाट उपचार सुरु हुन्छ” भन्ने नारासहित सेवा विस्तार गर्दै आएको छ। समुदायमै आधुनिक उपचार सेवा उपलब्ध गराएर सिपि अस्पताल आज धनगढी र आसपासका क्षेत्रका लागि विश्वसनीय स्वास्थ्य केन्द्रका रूपमा स्थापित हुँदै गएको छ।
