हेमा भट्ट, असोज १५
धनगढी – नेपाल लाइफ इन्स्योरेन्स कम्पनी लिमिटेडले बीमा व्यवसायमा उत्कृष्ट कार्यसम्पादन गर्ने अभिकर्ता तथा स्टारहरूको योगदानको कदर गर्दै आयोजना गरेको ‘तारा अवार्ड २०८३’ कार्यक्रम धनगढी उपमहानगरपालिका-३, पौवास्थित होटल फ्लोरामा भव्य तथा सभ्य वातावरणमा सम्पन्न भएको छ।
बीमा व्यवसायको विस्तार, बीमाको पहुँच अभिवृद्धि, ग्राहक सेवा तथा कम्पनीको व्यवसायिक लक्ष्यमा महत्वपूर्ण योगदान पुर्याउने उत्कृष्ट अभिकर्ताहरूलाई पुरस्कार तथा सम्मान प्रदान गर्दै कार्यक्रम सम्पन्न गरिएको हो।
कार्यक्रमले उत्कृष्ट कार्यसम्पादन गर्ने अभिकर्तालाई सम्मानसँगै आगामी दिनमा अझ जिम्मेवार, व्यावसायिक र सेवामुखी भएर अघि बढ्न प्रेरित गरेको सहभागीहरूले बताएका छन्। मेहनत, निरन्तरता, व्यावसायिक दक्षता, ग्राहकसँगको सम्बन्ध तथा सेवाप्रतिको प्रतिबद्धताका आधारमा प्राप्त उपलब्धिको कदरस्वरूप विभिन्न अभिकर्तालाई सम्मान गरिएको आयोजकले जनाएको छ।
कार्यक्रमका प्रमुख अतिथि तथा नेपाल लाइफ इन्स्योरेन्स कम्पनी लिमिटेडका प्रमुख कार्यकारी अधिकृत प्रविणरमण पराजुलीले बीमा व्यवसायको विस्तारसँगै नागरिकलाई प्रभावकारी र गुणस्तरीय सेवा पुर्याउन अभिकर्ताको भूमिका अत्यन्त महत्वपूर्ण रहेको बताउनुभयो।
उहाँले अभिकर्ता कम्पनी र ग्राहकबीचको महत्वपूर्ण सेतु भएको उल्लेख गर्दै ग्राहकको विश्वासलाई पहिलो प्राथमिकतामा राखेर काम गर्न आग्रह गर्नुभयो। विश्वास, निरन्तरता, व्यावसायिक दक्षता, पारदर्शिता र सेवामुखी भावनालाई केन्द्रमा राखेर अघि बढेमा बीमाको पहुँच अझ विस्तार गर्न सकिने उहाँको भनाइ थियो।
पराजुलीले उत्कृष्ट कार्यसम्पादन गर्ने अभिकर्तालाई प्रदान गरिएको सम्मान उनीहरूको मेहनत र योगदानको कदर मात्र नभई आगामी दिनमा अझ उत्कृष्ट उपलब्धि हासिल गर्न प्रेरणाको माध्यमसमेत भएको बताउनुभयो। बदलिँदो समय, प्रविधिको विकास र ग्राहकको आवश्यकता अनुसार अभिकर्ताले आफ्नो ज्ञान, सीप तथा कार्यशैलीलाई निरन्तर परिष्कृत गर्नुपर्नेमा उहाँले जोड दिनुभयो।
उहाँले बीमा क्षेत्रलाई थप प्रविधिमैत्री, व्यवस्थित, पारदर्शी तथा ग्राहककेन्द्रित बनाउँदै लैजान कम्पनी निरन्तर प्रयासरत रहेको बताउँदै ग्राहकसँगको सम्बन्धलाई दीर्घकालीन विश्वासमा रूपान्तरण गर्न गुणस्तरीय सेवा र जिम्मेवार व्यवहार आवश्यक रहेको उल्लेख गर्नुभयो।
कार्यक्रमको अध्यक्षता नेपाल लाइफ इन्स्योरेन्सका सुदूरपश्चिम प्रदेश प्रमुख दीपकराज भट्टले गर्नुभएको थियो। उहाँले बीमा आर्थिक सुरक्षा र सामाजिक संरक्षणसँग जोडिएको महत्वपूर्ण क्षेत्र भएको बताउँदै नागरिकसम्म बीमाको पहुँच विस्तार गर्न अभिकर्ताहरूले निर्वाह गर्दै आएको भूमिकाको प्रशंसा गर्नुभयो।
भट्टले मेहनत र इमानदार प्रयासबाट प्राप्त उपलब्धिको सम्मानले अभिकर्तामा उत्साहसँगै थप जिम्मेवारीबोधसमेत बढाउने बताउनुभयो। सुदूरपश्चिमका नागरिकसम्म बीमाको पहुँच विस्तार गर्न कम्पनी, अभिकर्ता, शाखा, एजेन्सी तथा अन्य सरोकारवाला पक्षबीच सहकार्य आवश्यक रहेको उहाँको भनाइ थियो।
कार्यक्रममा नेपाल लाइफका नेसनल सेल्स हेड उमापति पोखरेल विशिष्ट अतिथिका रूपमा सहभागी हुनुहुन्थ्यो। त्यस्तै कम्पनीको एजेन्सी सर्भिस विभाग प्रमुख सुनित पोखरेल, पेशागत बीमा अभिकर्ता संघ नेपालका राष्ट्रिय अध्यक्ष ओमबहादुर केसी, राष्ट्रिय ट्रेड उपाध्यक्ष तथा सुदूरपश्चिम इन्चार्ज महेशदत्त भट्ट, राष्ट्रिय ट्रेड सुदूरपश्चिम उपाध्यक्ष लक्ष्मीदत्त भट्ट, बीमक नेपाल लाइफका केन्द्रीय अध्यक्ष गणेश अधिकारी, कम्पनीका सुरक्षा विभाग प्रमुख टीकाराम रेग्मी, केन्द्रीय सदस्य मणिप्रसाद जोशी, केन्द्रीय उपाध्यक्ष देवप्रसाद जैसी, केन्द्रीय सदस्य जानकी बोहरालगायतको उपस्थिति रहेको थियो।
त्यसैगरी धर्मानन्द पन्त, बीमक केन्द्रीय सदस्य, महेन्द्रनगरका एजेन्सी म्यानेजर लक्ष्मीदत्त भट्टलगायत विभिन्न शाखा तथा एजेन्सीका प्रतिनिधि, शाखा प्रमुख, एजेन्सी म्यानेजर, अभिकर्ता तथा कर्मचारीहरूको उल्लेख्य सहभागिता रहेको थियो।
कार्यक्रममा बीमा व्यवसायको वर्तमान अवस्था, व्यवसाय विस्तारका सम्भावना, बिक्री क्षमता अभिवृद्धि, ग्राहकसँग दीर्घकालीन सम्बन्ध निर्माण, बीमा योजनाबारे प्रभावकारी जानकारी, ग्राहकको आवश्यकता पहिचान तथा गुणस्तरीय सेवा प्रवाहलगायत विषयमा प्रशिक्षणसमेत प्रदान गरिएको थियो।
प्रशिक्षणका क्रममा ग्राहकको आवश्यकता र आर्थिक अवस्थालाई बुझेर उपयुक्त बीमा योजना छनोटका लागि स्पष्ट जानकारी दिनुपर्ने, बीमितसँग नियमित सम्पर्कमा रहनुपर्ने तथा बीमा सेवामा पारदर्शिता र विश्वासलाई प्राथमिकता दिनुपर्नेमा जोड दिइएको थियो।
अभिकर्ता केवल बीमा योजना बिक्री गर्ने व्यक्ति नभई कम्पनी र ग्राहकबीचको महत्वपूर्ण सम्पर्क माध्यम भएकाले ग्राहकको आवश्यकता, जिज्ञासा र अपेक्षालाई बुझेर जिम्मेवार ढंगले सेवा दिनुपर्ने बताइएको थियो। व्यावसायिक ज्ञानसँगै व्यवहार, विश्वसनीयता र सेवाको गुणस्तरले बीमा क्षेत्रमा दीर्घकालीन सफलता निर्धारण गर्ने सहभागीहरूको भनाइ थियो।
कार्यक्रममा विभिन्न शाखा तथा एजेन्सीबाट उत्कृष्ट कार्यसम्पादन गर्ने अभिकर्ताहरूलाई पुरस्कार तथा सम्मान प्रदान गरिएको थियो। सम्मानित अभिकर्ताहरूले आगामी दिनमा अझ जिम्मेवार, प्रभावकारी तथा सेवामुखी ढंगले बीमा व्यवसाय विस्तार गर्ने प्रतिबद्धता व्यक्त गरेका थिए।
सम्मानित अभिकर्ताहरूले नागरिकलाई बीमाको महत्वबारे थप सचेत गराउँदै परिवारको आर्थिक सुरक्षा, भविष्यको योजना, जोखिम व्यवस्थापन तथा आर्थिक स्थायित्वसँग बीमालाई जोडेर सेवा प्रवाह गर्ने बताएका थिए। सम्मानले आफ्नो कार्यक्षेत्रमा थप मेहनत गर्न र ग्राहकलाई अझ गुणस्तरीय सेवा उपलब्ध गराउन ऊर्जा तथा प्रेरणा मिलेको उनीहरूको भनाइ थियो।
कार्यक्रममा बीमालाई केवल व्यवसाय वा बिक्रीको विषयका रूपमा मात्र नभई परिवारको सुरक्षा, भविष्यको तयारी र आर्थिक स्थायित्वसँग जोडिएको जिम्मेवार सेवाका रूपमा विकास गर्नुपर्ने विषयमा विशेष जोड दिइएको थियो।
पछिल्लो समय बीमा क्षेत्रमा बढ्दै गएको प्रतिस्पर्धाबीच ग्राहकको विश्वास कायम राख्न अभिकर्ताको व्यावसायिक ज्ञान, व्यवहार, नियमित सम्पर्क, विश्वसनीयता र सेवाप्रतिको प्रतिबद्धता महत्वपूर्ण हुने सहभागीहरूले बताएका थिए। उत्कृष्ट कार्यसम्पादनलाई सम्मान गर्ने संस्कृतिले अभिकर्ताबीच स्वस्थ प्रतिस्पर्धा, सिर्जनशीलता र निरन्तर सुधारको वातावरण निर्माण गर्न सहयोग पुग्ने अपेक्षा गरिएको छ।
‘हाम्रा स्टार उपलब्धिहरूलाई सम्मान गर्दै’ भन्ने भावनासहित आयोजना गरिएको ‘तारा अवार्ड २०८३’ ले उत्कृष्ट अभिकर्ताको योगदानलाई सार्वजनिक रूपमा सम्मान गर्नुका साथै आगामी लक्ष्यप्रति थप प्रतिबद्ध भएर अघि बढ्ने वातावरण निर्माण गरेको आयोजकको भनाइ छ।
कार्यक्रममा सम्मानसँगै प्रशिक्षण, अनुभव आदानप्रदान, प्रेरणा र व्यावसायिक दक्षतालाई एउटै मञ्चमा जोडिएको थियो। यसले नेपाल लाइफसँग आबद्ध अभिकर्ता, एजेन्सी म्यानेजर, शाखा प्रमुख तथा कर्मचारीमा थप उत्साह र ऊर्जा थपेको सहभागीहरूले बताएका छन्।
कार्यक्रमले मेहनत, विश्वास, व्यावसायिकता र उत्कृष्ट सेवामार्फत बीमाको पहुँच विस्तार गर्दै नागरिकको आर्थिक सुरक्षा सुदृढ गर्ने सन्देश दिएको छ। विभिन्न शाखा तथा एजेन्सीका प्रतिनिधि, शाखा प्रमुख, एजेन्सी म्यानेजर, अभिकर्ता र कर्मचारीहरूको सहभागिताले कार्यक्रमलाई थप व्यवस्थित र उत्साहपूर्ण बनाएको थियो।
कार्यक्रमको सञ्चालन नेपाल लाइफ कञ्चनपुर शाखा प्रमुख गणेशराज अवस्थीले गर्नुभएको थियो।
