काठमाडौं, भदौ २७ – अन्तरिम सरकार गठनसँगै मुलुक अब निर्वाचनको तयारीतर्फ अघि बढ्ने भएको छ। उच्च अधिकारीहरूका अनुसार, सरकारले आउँदो फागुन २१ गते आम निर्वाचन गर्ने प्रस्ताव तयार पारेको छ।
राष्ट्रपति रामचन्द्र पौडेलले पूर्वप्रधानन्यायाधीश सुशीला कार्कीलाई अन्तरिम प्रधानमन्त्री नियुक्त गरेसँगै निर्वाचनको मिति तय गर्ने प्रक्रिया अघि बढाइएको हो। कार्की नेतृत्वको मन्त्रिपरिषद्मा केही मन्त्रीहरूलाई पनि चाँडै शपथ गराउने तयारी भइरहेको स्रोतले जनाएको छ।
तर, निर्वाचन मिति सम्बन्धी प्रस्ताव अझै औपचारिक निर्णयमा पुग्न बाँकी रहेको अधिकारीहरूको भनाइ छ। आवश्यक राजनीतिक परामर्श र सहमति जुटेपछि मात्र सरकारको तर्फबाट औपचारिक घोषणा हुने बताइएको छ।
विश्लेषकहरूले कार्कीको नियुक्तिलाई मुलुकलाई चुनावी मार्गचित्रतर्फ लैजाने महत्वपूर्ण कदमका रूपमा व्याख्या गरेका छन्।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
