धनगढी असोज १६
रेडिकल एकेडेमीले हरेक हप्ता आयोजना गर्ने विद्यार्थी उत्सव कार्यक्रम अन्तर आज दशैं तिहार शुभकामना कार्यक्रम धनगढीमा सम्पन्न भएको छ ।
सुदूरपश्चिम प्रदेश सभा सदस्य माननीय धर्मराज पाठक ज्युको प्रमुख आतिथ्यतामा सम्पन्न कार्यक्रमको सभापतित्व रेडिकल एकेडेमीका प्रबन्ध निर्देशक प्रकाश छेडालले गरेका थिए भने कार्यक्रमको संचालन सावित्रा जोशीले गरेकी थिइन् ।
देशमा रोजगारीको अवसर चिन्न नसक्दा युवाहरु रोजगार खोज्न विदेशीरहेका बेला फेसन डिजाइन र होटल म्यानेजमेन्ट जस्ता कोर्षहरुको आवश्यता रहेको कुरा माननीय पाठकले बताए ।
कार्यक्रममा विद्यार्थीहरुले गायन, नृत्य, गजलहरु पस्केका थिए । साथै रेडिकलमा फेसन डिजाइन अध्ययनरत विद्यार्थीहरुले भव्य फेसन सो कार्यक्रम र होटल म्यानेज्मेन्ट पढ्ने विद्यार्थीहरुले फुड प्रोडक्सन, सर्भिस, कार्यक्रम व्यवस्थापन जस्ता अत्यावश्यक सीप तथा क्षमताको प्रस्तुत तथा प्रयोग गरेका थिए ।
विद्यार्थीहरुमा रहेका प्रतिभा क्षमतालाई स्थान दिने रेडिकलले हरेक हप्ता प्रतिभा उत्सवको आयोजना गर्ने गरेको छ ।
