बालक हराएको सुचना

खेमराज भट्ट
२६ कार्तिक २०८१
धनगढी – काठमाडौं चन्द्रागिरि नगरपालिका–१, दहचोकबाट एक किशोर सम्पर्कविहीन भएका छन् । कात्तिक २५ गते आइतबार बिहान नौ बजे स्कुल जान भनी दहचोकस्थित ठूलाबा प्रकाशराज रेग्मीको घरबाट स्कुल ड्रेसमा निस्किएका १५ वर्षीय दिनेश रेग्मी साँझ घर नफर्किएपछि आफन्तले खोजी गरेका थिए । तर सोमबार दिउँसोसम्म पनि दिनेश सम्पर्कमा नआएको उनको परिवारले जनाएको छ । दैलेखको भगवतीमाई गाउँपालिका–३ मेहलतोलीका मणिराम रेग्मी (हाल सुर्खेत बस्दै आएका) का छोरा दिनेश रेग्मी काठमाडौं दहचोकमा ठूलाबा प्रकाशराज रेग्मीको घरमा अध्ययन गर्न बस्दै आएको उनको परिवारले बताएको छ ।

काठमाडौंको थानकोटस्थित मंगलोदय माविमा कक्षा ९ मा अध्ययनरत उनी गहुँगोरो वर्णका रहेको जनाइएको छ । अहिलेसम्म नभेटिएको हुनाले देख्नुहुनेले प्रकाशराज रेग्मी (बालकको ठूलोबुबा– ९८५१०२७८२४) लाई सम्पर्क गरिदिनुहुन परिवारले अनुरोधसमेत गरेको छ।
नोट : कृपया सेयर गरेर खोजि कार्यमा सहयोग गरिदिनुहुन अनुरोध गर्दछौ !