हेमा भट्ट १४ मंसिर २०८१
कैलाली – धनगढी उपमहानगरपालिका स्थित त्रिनगर माविको ४८ औं वार्षिकोत्सब कार्यक्रम सम्पन्न भएको छ । विद्यालय व्यवस्थापन समितिका अध्यक्ष सुरेन्द्र बहादुर चन्दको अध्यक्षता, सुदूरपश्चिम प्रदेश समाजिक विकास राज्य मन्त्री सरस्वती खड्काको प्रमुख आतिथ्यतामा सम्पन्न कार्यक्रममा कैलाली बहुमुखी क्याम्पस प्र. धर्म देब भट्ट,त्रिनग माविका पुर्व व्यवस्थापन अध्यक्ष तथा समाजसेवी व्यक्तित्व प्रेम बिसी,लगायत विभिन्न क्याम्पस प्रमुख,विद्यालय प्रमुख, प्रतिनिधि धनगढी उपमहानगरपालिका प्रतिनिधि निवर्तमान व्यवस्थापन समितिका पदाधिकारी पुर्व शिक्षक अभिभावक संघका पदाधिकारी लगायतले शुभकामना मन्तव्य दिनुभएको थियो ।
वार्षिकोत्सब कार्यक्रमलाइ सम्बोधन गर्दै वक्ताहरूले विद्यार्थीको प्रतिभा पहिचान गरेर सोहि अनुसार शिक्षण गर्नुपर्ने बताउनुभयो । त्रिनगर माविका प्रधानाद्यापक खड्काले विद्यालयको शैक्षिक, भौतिक र आर्थिक अवस्थाका बारेमा उहाँले जानकारी गराउनुभएको थियो । विद्यालयको विकासमा अभिभावक र यो सामाजको ठूलो देन रहेको उल्लेख गर्दै उहाँले आगामी दिनमा विद्यालयको विकासका लागि समेत सहयोग निरन्तर हुने अपेक्षा व्यक्त गर्नुभयो । त्रिनगर माविलाई साच्चिकै नमुना विद्यालय बनाउन भौतिक, शैक्षिक क्षेत्रमा उल्लेखनिय सुधार गर्नुपर्ने अवस्था रहेकोले त्यसका लागि लागिपर्ने उहाँको भनाइ छ । आफ्नो कार्यकालमा विद्यालयलाइ नमुना प्राविधिक शिक्षालयको रुपमा स्थापित गर्ने उद्धेश्य अनुरुप आगामी दिनमा मेहनत गर्ने उहाँले प्रतिबद्धता ब्यक्त गर्नुभएको छ । विद्यार्थीको भबिष्य उज्जवल बनाउन अभिभावक र शिक्षकको महत्तपुर्ण देन हुने उहाँको भनाइ छ । सो अवसरमा बिधालयको विकासमा योगदान पुर्याउने व्यक्तित्वहरुलाई प्रमाणपत्र सहित सम्मान गरिएको थियोे । विद्यालयका प्रधानाध्यापक भुपालसिंह खड्काबाट वार्षिक प्रतिवेदन प्रस्तुत, शिक्षक तिर्थराज पाण्डेको स्वागत मन्तव्य रहेको कार्यक्रमको सहजीकरण विद्यालयका शिक्षक प्रकाश छेडाल र डम्बर गडसेलाले गर्नुभएको थियो ।
