मनिसा सुनार
पुस १५ , २०८१ साेमबार
कञ्चनपुर : प्रथम लन्डन ब्रिज युवा क्लब पेनाल्टी सुट आउट फुटबल प्रतियोगिताको उपाधि अमर माेबाइल सेन्टर जित्न सफल भएको छ।
कृष्णपुर नगरपालिका वडा नं.९ राजघाट काेठार टाेल स्थित खेलमैदानमा आयोजना गरिएको प्रथम लन्डन ब्रिज युवा क्लब फुटबल पेनाल्टी सुट आउट प्रतियोगिता २०८१ को उपाधि धनगढी उपमहानगरपालिका ८ माेती चौक स्थित अमर माेवाईल सेन्टर युवा क्लबले आयाेजक टिम लन्डन ब्रिज क्लबलाई लाई सातका विरुद्ध आठ गोल गर्दै जित्न सफल भएको हो।
२४ टिम सहभागी भएको प्रतियोगितामा विजेता टिमलाई मेडल, नगद रु. २० हजार प्रदान गरिएको थियो भने उप–विजेता टिमलाई मेडल, साथमा नगद रु. १० हजार प्रदान गरिएको थियो।
यो किसिमको पेनाल्टी सुट आउट प्रतियोगिता प्रथम पटक आयोजना गरिएको र यस किसिमको प्रतियोगिताले दर्शक तथा खेलाडीमा समेत निकै उत्साह मिलेको आयोजकले जनाएको छ।
कृष्णपुर नगरपालिका वडा नम्बर ९ का अध्यक्ष कैलाश कलायर प्रमुख अतिथि रहको कार्यक्रममा विशिष्ट अतिथि कार्यपालिका सदस्य कालिका चौधरीकाे आतिथ्यमा प्रतियोगिताको उद्घाटन गरिएको थियोे । कार्यक्रममा वनदेवी सामुदायिक वनका अध्यक्ष निरज भण्डारी जानकी सामुदायिक वनका अध्यक्ष चन्द्र प्रकाश भट्ट समाजसेवी तथा बुद्धिजीवी कार्यक्रम संचालक लालबहादुर चौधरी शिक्षक तथा पेनाल्टी सुटआउट प्रतियोगिताका प्रशिक्षक डम्बर खड्का विभिन्न सामुदायिक वनका प्रतिनिधि शिक्षक बुद्धिजीवी समाजसेवी खेल प्रेमी गायतकाे अत्यधिक बाक्लो पस्थिति रहेकोे थियोे ।
