दुवै मिर्गौला फेल भएका गौरवद्वारा सहयोगको याचना

धनगढी – डोटीको बोगटान फुडसिल गाउँपालिका वडा नम्बर ४ जजला घर भई भारतमा काम गर्दै आएका गौरब बम मृत्युसँग लडिरहेका छन्। घरको दैनिकी चलाउन बाल्यकालमै भारत पसेका गौरब यतिबेला दुईटै मृगौला फेल भएर भारतको नयाँ दिल्लीस्थित महाराज एग्रेसन हस्पिटलमा उपचार गराइरहेका छन्।

४० वर्षीय गौरव विगत एक महिनादेखि अस्पतालको आईसियुमा उपचार गराइरहेका छन्। एक महिनाको उपचारमा उनको ११ लाख बढी खर्च भइसकेको उनका भाइ जोग बमले बताए। घरको आर्थिक अवस्था कमजोरका कारण उनलाई आइसियुमै राखेर उपचार गर्न समेत धौधौं भइरहेको छ। अस्पतालका अनुसार उनको दुई ओटै मृगौला फेर्नुपर्ने छ । आफ्नै परिवारले मृगौला दिए प्रत्यारोपण गर्न १२ लाख भारतीय रुपैयाँ लाग्ने र बाहिरबाट मृगौला किन्नु परेमा ३५ लाख भारतीय रुपैयाँ लाग्ने बताइएको छ। तर त्यत्रो पैसा कहाँ बाट ल्याउने भन्दै चिन्तित बनेको परिवारले सहयोगी हातहरूलाई गुहार्दै छन्।

दाजु गौरवको उपचारका लागि सबैले सहयोग गरिदिन उनका भाइ जोग बमले आग्रह गरेका छन्। कुनै सहयोगी हातहरुले सहयोग गर्न चाहेमा +918360248798 नम्बरमा कल गर्न सक्नुहुनेछ।
सहयोगको लागि मनु बम +917986490919 , रुद्र बम पन्जाब +919988753390 ।